یەکێتی بەڕەسمی داوای گەڕاندنەوەی پاشەکەوتی مووچە دەکات

PUKMEDIA

د. بڕیار ڕەشید

ئەندامێکی فراکسیۆنی یەکێتی ڕایدەگەیەنێت: "ئەندامانی فراکسیۆنی یەکێتی بۆ زیادکردنی گەڕاندنەوەی پاشەکەوتی مووچەی فەرمانبەرانی هەرێم ئیمزامان کۆکردۆتەوە".

د. بڕیار ڕەشید ئەندامی ئەنجومەنی نوێنەرانی عیراق لە فراکسیۆنی یەکێتیی نیشتمانیی کوردستان بە PUKMEDIA ی ڕاگەیاند: "فراکسیۆنی یەکێتی لەهەوڵدایە بۆ زیادکردنی گەرانەوەی پاشەکەوتی موچەی فەرمانبەران و  خانەنشینانی حکومەتی هەرێم بۆ ۱۲٪ بە تەرخانکردنی داراییەوە".

دەشڵێت: "ئیمزای پێویســتمان بۆ زیادکردنی ڕێژەی پاشەکـەوتی موچـە بۆ ۱۲ لەسەد کۆکردۆتەوە و لەنێوهۆڵی پەرلەمان دەنــــگی لەسەر دەدەین، هەردوو حوکمەتی ناوەند و فیدڕاڵ پابەند کراون بەجێبەجێکردنی ئەم ماددەیە".

ئەوەش دەڵێت: "سووربووین لەسەری و بەردەوام دەبین تاوەکو مافی خوراوی فەرمانبەرانی هەرێم دەگڕێنینەوە".

ئەمە لەکاتێکدایە کەلەدانیشتنی دوێنی ئەنجومەنی نوێنەرانی عیراقدا هەردوو فراکسیۆنی پارتی دیموکراتی کوردستان و نەوەی نوێ هاوهەڵوێست بون لەسەر لابردنی پاشەکەوتی مووچە فەرمانبەرانی حکومەتی هەرێم.

PUKMEDIA