چوار کەس بە مادەی هۆشبەرەوە دەستگیردەکرێن

PUKMEDIA

دەزگای ئاسایش

دەزگای ئاسایشی هەرێم دەستگیرکردنی گروپێکی بازرگان و بەکارهێنەری ماددەی هۆشبەر ڕادەگەیەنێت.

لەراگەیەندراوێکدا کە وێنەیەکی بۆ PUKMEDIA نێردراوە دەزگای ئاسایشی هەرێم ئاشکرایدەکات:" بەڕێوەبەرایەتی ئاسایشی ڕاپەڕین ، گروپێکی چوارکەسی دەستگیردەکات کەکاریان ساغکردنەوەی ماددەی هۆشبەری کریستاڵ و حەبی ترامادۆڵ بووە".

ئاسایشی ڕاپەڕین ، ڕۆژی ٢٠٢٣/٦/٥ لە سنوری ئیدارەی ڕاپەڕین ، بەفەرمانی دادوەری لێکۆڵینەوەی ئاسایش ، گروپێکی ( ٤ ) کەسیان لە هاوڵاتی ناوخۆیی و بیانی دەستگیرکردوە.

بەگوێرەی راگەیەندراوەکە:"  ئەو چوار کەسە کە کاریان فرۆشتن و دابەشکردنی ماددە هۆشبەرەکانی جۆری ( کریستاڵ ) و ( حەپی تڕاماڵ ) بووە لە سنورەکەدا و  بەپێی ماددەکانی ( ٢٦ ) و ( ٣٠ ) لەیاسای بەرەنگاربوونەوەی ماددە هۆشبەر و کارتێکەرە عەقڵیەکان ڕاگیراون".

PUKMEDIA