لەهەرێم زیانلێکەوتووانی دەستی رژێمی بەعس قەرەبوودەکرێنەوە

ئەرشیف

قەروبووکردنەوە بە پارە

دەستەی داواكانی موڵكداریی عیراق ( هیئە دعاوی الملكیە ) لە هەرێمی كوردستان، بڕی ملياريك و ٥٠٠ مليون دینار بەسەر ئەو كەسانە دابەشدەكات، كە زیانلێكه‌وتووی دەستی رژێمی بەعس بوون. 
 
له‌و باره‌یه‌وه‌ تارا ئەنوەر قەرەداغی بەڕێوەبەری گشتی لە دەستەی داواكانی موڵكداریی رایگەیاند:"دەستەی داواكانی موڵكداری بەخۆشحاڵییەوە جارێكی دیكە بڕێك پارە بەسەر زەرەرمەندانی  دەستی رژێمی بەعس دابەشدەكرێت، ئەم پارەیە ئەو كەسانە دەگرێتەوە، كە داواكارییان پێشكەشی دەستەكەمان كردووە".

وتیشی:"دوای ئەوەی ئەو داواكارییانەی پێشكەشكراون لە لێژنەی دادوەری دەستەكەمان پلەی كۆتایی وەرگرتووە.، بڕیاری دابەشكردنی ئەو بڕە پارەیە دراوە". 

 ئاماژەی بەوەشكرد: "هاووڵاتیانی خوشەویست ئاگادار دەكەینەوە پێشتریش پرۆسەی خەرجكردنی بڕە پارە بۆ زیانلیكەوتوان هەبووە و بەردەوامیش دەبێت".

 رونیشكردووەتەوە: لە پرۆسەی ئەمجارە ٣٤٠ كەس سوودمەند دەبن.

PUKMEDIA