قوباد تاڵەبانی: سیاسەتی قۆڵبادان داهاتووی هەرێمی خستووەتە مەترسییەوە
کوردستان 06:22 PM - 2023-06-05
PUKMEDIA
قوباد تاڵەبانی و جێسیکا سڤاردسترۆم
قوباد تاڵەبانی جێگری سەرۆک وەزیران لە هەولێر پێشوازیکرد لە جێسیکا سڤاردسترۆم باڵیۆزی سوید لە عیراق و لە کۆبوونەوەی نێوانیاندا بارودۆخی ناوخۆی هەرێم و پەیوەندییەکانی نێوان هەرێم و بەغدا تاوتوێ کران.
لە کۆبوونەوەکەدا کە ئەمڕۆ دووشەمە 5ی حوزەیرانی 2023 بەڕێوەچوو، سەبارەت بە کێشە و ناکۆکییە ناوخۆییەکانی کوردستان هەردوولا هاوڕابوون کە دەبێت لایەنە سیاسییەکان ئەزمون لە ناکۆکییەکانی رابردوو وەربگرن و پەلە بکەن لە چارەسەرکردنی کێشەکان.
لەم چوارچێوەیەدا قوباد تاڵەبانی رایگەیاند لە کاتێکدا کە هەرێمی کوردستان لە دۆخێکی سیاسی و ئابوری باشدا نییە، پێویستە لەپێناو پاراستنی بەرژەوەندی هاوڵاتییان هەموو لایەکمان بەرپرسیارانە هەنگاوبنێین بۆ چارەسەرکردنی کێشە و ناکۆکییەکان.
جێگری سەرۆک وەزیران ئاماژەی بەوەشکرد زۆربەی کێشەکان کێشەی حیزبی و شەخسین. وتیشی ئەم جۆرە لە ململانێ و قۆڵبادانی حیزبی و شەخسی ناوماڵی کورد زیاتر پەرت دەکات و داهاتووی هەرێمی کوردستانی خستووەتە مەترسییەوە.
سەبارەت بە پرسی هەڵبژاردنەکانی داهاتووی پەرلەمانی کوردستانیش، قوباد تاڵەبانی رایگەیاند ئێمە هەمیشە لەگەڵ ئەوەدابووین هەڵبژاردن لە کاتی خۆیدا بەرێوەبچێت، تەنها پێداگربووین لەسەر ئەوەی هەڵبژاردنێکی پاک و بێگەرد و ئازاد و دادپەروەرانە بێت.
داواشیکرد لایەنە سیاسییەکان گفتوگۆکانیان دەست پێ بکەنەوە بۆ ئەوەی کارئاسانی بکرێت تا لە ماوەیەکی نزیکدا و بە باشترین شێوە هەڵبژاردنەکان بەڕێوەبچێت.
سەبارەت بە پەیوەندییەکانی نێوان هەرێم و بەغداش جێگری سەرۆک وەزیران رایگەیاند، ئەگەر کێشە ناوخۆییەکانی کوردستان چارەسەر بکرێت کاریگەری دەبێت لەسەر بەهێزتر بوونی پێگەی هەرێم لە بەغدا.
PUKMEDIA
هەواڵی زیاتر
-
بەرهەمهێنانی گازی سروشتی بۆ وێستگەكانی كارەبا دەستپێدەکاتەوە
05:35 PM - 2025-11-29 -
ئەحمەد میرە: میدیا سیخوڕەکان هەوڵی ناشرینکردنی سلێمانی دەدەن
03:44 PM - 2025-11-29 -
ئەمریکا.. دوای هێرشەکەی نزیک کۆشکی سپی دەرگا بەڕووی پەنابەراندا دادەخات
11:13 AM - 2025-11-29 -
دوو كهشتی لهدهریای رهش تهقینەوە
10:19 AM - 2025-11-29
ئەمانەش ببینە
خۆپیشاندانەکەی هەولێر بریندار و کوژراوی لێدەکەوێتەوە
02:36 PM - 2025-11-29
دابهشكردنی مووچهی مانگی ئهیلول راگهیهندرا
02:14 PM - 2025-11-29
هێرشهكهی كۆرمۆر و كاردانهوهكان
12:32 PM - 2025-11-29
مووچەی مانگی ئەیلوول بۆ هەرێم نێردرا
11:25 AM - 2025-11-29
زۆرترین خوێنراو
-
چەخماخ لێدە، چراکەم هەڵنەکردووە...
بیروڕا 01:49 PM - 2025-11-29 -
هێرشهكهی كۆرمۆر و كاردانهوهكان
کوردستان 12:32 PM - 2025-11-29 -
مووچەی مانگی ئەیلوول بۆ هەرێم نێردرا
کوردستان 11:25 AM - 2025-11-29 -
ئەمریکا.. دوای هێرشەکەی نزیک کۆشکی سپی دەرگا بەڕووی پەنابەراندا دادەخات
جیهان 11:13 AM - 2025-11-29 -
دوو كهشتی لهدهریای رهش تهقینەوە
جیهان 10:19 AM - 2025-11-29 -
بارانبارین ههرێمی كوردستان و عیراق دهگرێتهوه
عیراق 09:49 AM - 2025-11-29 -
رووی (سیا)ی میدیای چەواشە لە دۆسیەی كۆرمۆردا
بیروڕا 11:10 PM - 2025-11-28 -
لەسەر ڕاسپاردەی مەڵبەندی ڕاپەڕین موەلیدەکانی سنوورەکە کەوتنەوە کار
کوردستان 10:47 PM - 2025-11-28






.jpg)
دابەزێنە

