قوباد تاڵەبانی پیرۆزبایی لەسەرۆکی کۆمەڵی دادگەری دەکات

PUKMEDIA

قوباد تاڵەبانی و عەلی باپیر

سەرپەرشتیاری مەکتەبی سکرتارییەتی سەرۆک مام جەلال بەبۆنەی ساڵیادی دامەزراندنی کۆمەڵی دادگەریی کوردستانەوە پیرۆزبایی لە مامۆستا عەلی باپیر سەرۆکی کۆمەڵی دادگەری کوردستان دەکات و رایدەگەیەنێت: "کۆمەڵی دادگەری لە هەموو وێستگە سیاسی و دۆخە هەستیار و ئاڵۆزەکاندا هەمیشە ڕۆڵی کاریگەر و بەرچاوی بینیووەو پێویستە لەهەموو کات زیاتر یەکڕیز بین و پێکەوە هەنگاو بنێین بەرەو خزمەتێکی شایستەتری کۆمەڵانی خەڵکی کوردستان".

دەقی پەیامی قوباد تاڵەبانی.....

*بەڕێز مامۆستا عەلی باپیر سەرۆکی کۆمەڵی دادگەریی کوردستان*

بەبۆنەی ساڵیادی دامەزراندنی کۆمەڵی دادگەریی کوردستانەوە، پیرۆزباییەکی گەرم ئاڕاستەی بەڕێزتان و تەواوی سەرکردایەتی و دۆست و لایەنگرانتان دەکەم، بەهیوام ئەم یادە ببێتە وێستگەیەكی نوێ بۆ بە‌رە‌وپێشچوون و سەركەوتنی زیاترتان.

ئەمساڵ یادی دامەزراندنی کۆمەڵی دادگەریی کوردستان لەکاتێکدایە کە ھەرێمی کوردستان و عێراق و ناوچەکە رووبەڕووی چەندین ئاڵنگاری و گرفتی سیاسی، ئابووری بووەتەوە، ئەمەش لە ھەمووکات زیاتر هانمان دەدات بەرەو یەکڕیزی و پێکەوەیی هەنگاو بنێین، تاوەكو پێکەوە خزمەتێکی شایستەتری کۆمەڵانی خەڵکی کوردستان بکەین و داکۆکی لەمافە دەستووریی و یاساییەکانمان بکەین، بەدڵنیاییەوە کۆمەڵی دادگەریش لە هەموو وێستگە سیاسی و دۆخە هەستیار و ئاڵۆزەکاندا هەمیشە ڕۆڵی کاریگەر و بەرچاوی بینیووە.

دووبارە پیرۆزبێت و هیوای سەركەوتنتان بۆ دەخوازم.

قوباد تاڵەبانی
سەرپەرشتیاری مەکتەبی سکرتارییەتی سەرۆک مام جەلال
٣١/٥/٢٠٢٣

PUKMEDIA