رەفعەت عەبدوڵڵا: یەكێتی هەمیشە هێزە كاریگەرەكەی گۆڕەپانی خەبات دەبێت

PUKMEDIA

رەفعەت عەبدوڵڵا حەمەڕەش

بەبۆنەی یادی 48 ساڵەی دامەزراندنی یەكێتیی نیشتمانیی كوردستانەوە، رەفعەت عەبدوڵڵا حەمەڕەش، پەیامێكی بڵاوكردەوە و رایگەیاند: "یەكێتی هێزی پاراستنی دیموكراسییەت و ماف و ئازادییەكانە و وەك هەمیشەش هێزە كاریگەرەكەی گۆڕەپانی خەبات دەبێت لە كوردستان و عیراقدا".

دەقی پەیامەكە:

بە بۆنەی ساڵیادی دامەزراندنی یەكێتیی نیشتمانیی كوردستانەوە، گەرمترین پیرۆزبایی خۆم ئاڕاستەی تەواوی خەڵكی كوردستان بەگشتی و هەڤاڵان و تێكۆشەران و كەسوكاری سەربەرزی شەهیدان دەكەم، یادی یەكێتی  یادی لەدایك بوونی قۆناغێكی نوێ خەباتە دژی دیكتاتۆرییەت و یادی دامەزراندنی یەكەمین ئەزموونی كوردییە، لە 1-6-1975 ەوە تا بە ئەمڕۆ دەگات هیچ هێزێك بە ئەندازەی یەكێتی جێ پەنجەی بەمێژووی خەباتی خەڵكی كوردستانەوە دیار نییە لەومێژوەوە تا ئەمڕۆ سەنگەری یەكێتی سەنگەری بەرگرییە لەماف و ئازادییەكانی خەڵكی كوردستان، ئەوبنەمایەی سەرۆك مام جەلال و هاوڕێكانی یەكێتیان لەسەر دامەزراند بنەما گشتییەكانی ئازادی و سەرفرازی بووە بۆ خەڵكی كوردستان و لەم پێناوەشدا هەزاران پێشمەرگەو سەدان فەرماندەو دەیان سەركردەیان كردە قوربانی پاراستنی خاكی كوردستان، ئێستاش یەكێتی هێزی پاراستنی دیموكراسییەت و ماف و ئازادییەكانە لە خەڵكی كوردستان، بۆیە لەم یادەدا هەموو هەڤاڵان دڵنیا دەكەینەوە یەكێتی وەك هەمیشە هێزە كاریگەرەكەی گۆڕەپانی خەبات دەبێت لە كوردستان و عیراقدا، جارێكی تر لەم یادەدا سەری رێزو نەوازش بۆ گیانی پاكی شەهیدان دادەنەوێنین و سڵاو دەنێرین بۆ كەسوكاری سەربەرزیان.

رەفعەت عەبدوڵڵا حەمەڕەش

PUKMEDIA