دەزگای ئاسایشی هەرێم 16 بکوژ و تەقەکەر دەستگیر دەکات

PUKMEDIA

لۆگۆی ئاسایش

بەڕێوەبەرایەتی ئاسایشی رۆژئاوای سلێمانی لە دوو راگەیەندراودا دەستگیرکردنی ١٣ کەس بە تۆمەتی تەقەکردن و نانەوەی پشێوی، هەروەها دەستگیرکردنی سێ داواکراوی دیکەش کە شەش کەسیان کوشتووە رادەگەیەنێت.

بەڕێوەبەرایەتی ئاسایشی رۆژئاوای سلێمانی لە دوو راگەیەندراودا کە وێنەیان دەست PUKMEDIA کەوتووە، دەستگیرکردنی چەند کەسێکی تێکدەر و تەقەکەر لە چەمچەماڵ و دەستگیرکردنی سێ داواکراویان کە ٦ کەسیان کوشتووە رادەگەیەنێت.

لە راگەیەندراوەکاندا هاتووە کە بەڕێوەبەرایەتی ئاسایشی رۆژئاوای سلێمانی ( ١٣ ) کەسی بە تۆمەتی تەقەکردن و نانەوەی پشێوی لە چەمچەماڵ دەستگیرکردووە، هەروەها لە بازگەی ( بانیمەقان ) سێ داواکراوی بەڕەگەز عەرەبیان دەستگیرکردووە کە لەلایەن دادگاکانی عیراقەوە داواکراوبوون بە پێی ماددەی ( ٤٠٦ ) لە یاسای سزادانی عیراقی کە تۆمەتباران لەسەر کێشەی کۆمەڵایەتی ( ٦ ) کەسیان کوشتووە و هەڵهاتوون، دەیانویست بە ناسنامەی ساختەوە بێنە هەرێمی کوردستان .

لە راگەیندراوەکاندا هاتووە کە تۆمەتباران پێکهاتبوون لە ( ١٣ ) کەس، دەستگیرا بەسەر سەرجەم چەک و کەرەستە سەربازیەکانیان، لەئێستادا لێکۆڵینەوە لە کەیسەکانیان بەردەوامە و رووبەڕوی یاسا کراونەتەوە، هەروەها لە بازگەی ( بانیمەقان ) سێ داواکراوی بەڕەگەز عەرەبیان دەستگیرکردووە کە لەلایەن دادگاکانی عیراقەوە داواکراوبوون بە پێی ماددەی ( ٤٠٦ ) لە یاسای سزادانی عیراقی و لە ئێستادا بە فەرمانی بەڕێز دادوەری دادگای لێکۆڵینەوە، بە ماددەکانی  ( ٢٨٩ ، ٢٩٨ ) لە یاسای سزادانی عیراقی راگیراون و دواتر رادەستی دادگای تایبەتمەند دەکرێن.
PUKMEDIA