یەكێتی حزبی نان و ئازادیە

PUKMEDIA

هەژار سدیق

هەژار سدیق

یەكێتیی نیشتمانیی كوردستان، بەبڕیار و گوتاری نەتەوەیی و نیشتمانیی لەپێناوی رزگاری  كۆمەڵانی خەڵكی كوردستان و چەسپاندنی دیموكراسی دروستبووەو  تێكۆشاوەو چەقی تێكۆشان و خەباتی ئێستاشی پاراستنی  نان و ئازادی، خەڵكی كوردستانە .

یەكێتی بەدرێژایی تەمەنی پڕ لەسەروەری خۆیدا، هیچ كاتێك نەچۆتە ژێر باری بڕیاری داگیركەران، بەڵكو هەمیشە بەگژ بڕیارو گوتاری داگیركەر و نەیارانی كوردستاندا چۆتەوە، بۆیە هەمووان بەیار و نەیارەوە،  بە بڕیاری ئازایانەی  لەشەڕو ئاشتی و لەبەخشین و لێبوردەییدا، هەمووان  یەكێتی دەناسن .

هەڵبەتە یەكێتی هەڵقوڵاوی ویژدان و دەرونی میللەتەكەیەتی، بۆیە ناتواندرێت  بچوكبكرێتەوە و  لەقاڵب بدرێت و لەپڕۆژە نەتەوەیی و نیشتمانییەكاندا دووربخرێتەوە، بەڵام سەرەڕای پیلانگەلێكی  زۆر، ئەوەتا یەكێتی ماوەتەوە. لە راستكردنەوە و بیناكردنەوەی عیراق و هەرێمی كوردستانیشدا، یەكێتیی رۆڵێكی گەورە دەگێڕێت و ژمارەیەكی قورس و دیار و بەرچاویشە، تیمەكانی لەناو پەرلەمان و حكومەت، لەبەغدا و هەولێردا، هەمیشە داكۆكیكاری سەرسەختی مافەكانی خەڵك و خاوەنی مژدەی گەڕاندنەوەی ماف و شكۆی هاووڵاتیانی كوردستانن، ئەوێ رۆژێ لەهۆڵی پەرلەمانی كوردستان و دوێنێش لەپەرلەمانی عیراق، فیكرو باوەڕو لێبوردەیی مام جەلال-یان وەبیر هەمووان هێنایەوە.

یەكێتی وەك هێزێكی پابەندی نێو هاوكێشە سیاسی و  نیشتمانییەكانی عیراق و كوردستان، سەرەڕای سەختییەكانی رێگەی خەباتەكەی لەگەڵ هێزە پێشكەوتووخوازەكانی كوردستان و عیراق بەردەوام دەبێت لەلادان و سڕینەوەو نەهێشتنی ئەو سزایانەی بەهۆی تاكڕەوییەوە، بەناوی پاشەوكەوت و لێبڕینەوە بەسەر موچەی فەرمانبەر و خانەنشین و پێشمەرگەو پۆلیس و ئاسایشدا سەپێندراون .

PUKMEDIA