riklam

هیوای تەندروستییەكی باش بۆ فەرماندەی قارەمان ئەنوەر دۆڵانی

کوردستان 09:35 PM - 2023-05-26
سەرۆك مام جەلال و ئەنوەر دۆڵانی PUKMEDIA

سەرۆك مام جەلال و ئەنوەر دۆڵانی

كوردستان یەکێتیی نیشتمانیی کوردستان

ماوەیەك پێش ئێستا فەرماندەی ئازاو قارەمان كوڕی رۆژە سەختەكانی خەبات و دوژمن بەزێن ئەنوەر دۆڵانی تەندروستی باش نەبوو. خۆشبەختانە لەم ماوەیەدا لە هیندستان نەشتەرگەری كردووە، هیوادارین ئەم تێكۆشەرە دێرین و ماندوونەناسە بەتەندروستییەكی باشەوە بگەڕێتەوە ناو هەڤاڵە دێرین و هاوسەنگەرەكانی لە یەكێتیی نیشتمانیی كوردستان و بزووتنەوەی گۆڕان.

ئەنوەر دۆڵانی یەكێكە لەو فەرماندە ئازایانەی هەمیشە لای هەڤاڵ مام جەلال رابەری شۆڕشی نوێ و جوڵانەوەی كوردایەتی خۆشەویست بووە و رێز لە خەبات و ماندووبوونی گیراوە، كە لە سەرەتای شۆڕشی نوێوە چەكی شەرەفی كردووەتە شان و بە ئازایەتی و قارەمانێتی خۆی لە ناوچەی قەرەداخ و تیپی 57ی سەگرمە و تیپەكانی تری یەكێتیی نیشتمانیی كوردستان پلەكانی پێشمەرگایەتی بڕیوە و پێش راپەڕین فەرماندەی تیپی 55ی قەرەداخ بووە، لە چەندین چالاكی پێشمەرگانەدا بەشداری كردووە و چەندان جار بریندار بووە و لە شەهیدبوون گەڕاوەتەوە.

دوای راپەڕینیش درێژەی بە خەبات داوە و هەمیشە خۆشەویست و جێگای متمانەی سەرۆك مام جەلال بووە و لە رێزەكانی بزووتنەوەی گۆڕانیشدا هەمیشە پەیوەندی لەگەڵ هەڤاڵە دێرینەكانی لە یەكێتیی نیشتمانیی كوردستان بەهێز و پتەو بووە.

دووبارە هیوای تەندروستییەكی باش بۆ هەڤاڵ ئەنوەر دۆڵانی دەخوازین، بەو هیوایەی بە تەندروستییەكی باشەوە بەدیداری شادبینەوە.


PUKMEDIA


ئەمانەش ببینە

زۆرترین خوێنراو

هەواڵەکان دەنێرین بۆ مۆبایلەکانتان

ئەپڵیکەیشنی

app دابەزێنە

Play store app store app
The News In Your Pocket