riklam

هەڵمەتی سەوزكردنی كوردستان ناحیەی ئاغجەلەری گرتەوە

کوردستان 06:36 PM - 2023-05-24
 سەوزكردنی ناحیەی ئاغجەلەر PUKMEDIA

سەوزكردنی ناحیەی ئاغجەلەر

یەکێتیی نیشتمانیی کوردستان رواندنی یەك ملیۆن نەمام

هەڵمەتی رواندنی یەك ملیۆن نەمام ناحیەی ئاغجەلەری گرتەوە و لەو چوارچێوەیەدا و لەسەر بڕیار و راسپاردەی بافڵ جەلال تاڵەبانی سەرۆكی یەكێتیی نیشتمانیی كوردستان هەڵمەتی نیشتمانی سەوزكردنی كوردستان بەردەوامە. 

ئەمڕۆ 24-3-2023، دوای تەواوكردنی كاروبارەكانی دانانی سیاجی پێویست بۆ پڕۆژەكە لەپێناو پاراستنی نەمامەكان و دارستانەكە لەهەر زیادەڕەوییەك، هەڵمەتی رواندنی نەمام لەنێو پڕۆژەی دارستانی ئاغجەلەر سەر بەبەڕێوەبەرایەتی دارستان و پاوانی سلێمانی بەڕێوەچوو.

لەمیانی بەشداریكردنی لەهەڵمەتەكەدا، رەمك رەمەزان قائیمقامی قەزای چەمچەماڵ بەناوی ئیدارەی ناوچەكەوە دەستخۆشی لەو هەنگاوەی سەرۆك بافڵ كرد و بەهەوڵێكی گرنگی زانی بۆ سەوزكردنەوەی ناحیەكە لەپێناو فەراهەمكردنی ژینگەیەكی لەبار بۆ دانیشتوانی ناوچەكە بەتایبەت كەلەسەردەمی رژێمی لەناوچوودا رووبەڕووی نەهامەتییەكی زۆر بوونەوە و ئەم هەنگاوەش یەكێكە لەو خزمەتانەی كەپێشكەشی هاووڵاتیانمان دەكرێت.

ئارام حازم لێپرسراوی هۆبەی دارستان و پاوانی چەمچەماڵ رایگەیاند: "هەڵمەتەكەی سەرۆك بافڵ جەلال تاڵەبانی دارستانی ئاغجەلەری دووبارە ژیاندەوە بەتایبەت كەزیاتر لەدە ساڵە كاری تێدا نەكراوە"، وتیشی: "بەدروستكردنی پەڵەی دەستكرد و چاندنی ئەو جۆرە نەمامانەی لەگەڵ ژینگەی ناوچەكەدا دەگونجێت زامنی سەركەوتنی هەوڵەكانمان كردووە بۆ سەوزكردنی".

ئارام حازم بەناوی بەڕێوەبەرایەتی دارستان و پاوانی سلێمانییەوە سوپاسی پێشوازی و بەتەنگەوە هاتنی بەڕێوەبەری ناحیەی ئاغجەلەر و شارەوانی و كشتوكاڵی كرد بۆ پەرۆشیان تا هەڵمەتی سەوزكردنی كوردستان ناوچەكەیان بگرێتەوە.

 

PUKMEDIA

ئەمانەش ببینە

زۆرترین خوێنراو

هەواڵەکان دەنێرین بۆ مۆبایلەکانتان

ئەپڵیکەیشنی

app دابەزێنە

Play store app store app
The News In Your Pocket