لەسەر داوای پەرلەمانتارێکی یەکێتی دەرمان دەگاتە گەرمیان

PUKMEDIA

کاروان یاروەیس

پەرلەمانتارێکی یەکێتی داواکاری دەرمان پێشکەش بەوەزارەتی تەندروستی عیراق دەکات و داواکەی پەسەند دەکرێت و بڕی پێویستی دەرمان بۆ روبەروبونەوەی نەخۆشی هەوکردنی پەردەی مێشکی منداڵان دەگاتە گەرمیان.

کاروان یاروەیس ئەندامی ئەنجومەنی نوێنەرانی عیراق لە فراکسیۆنی یەکێتیی نیشتمانیی کوردستان بە سایتی رەسمی یەکێتی PUKMEDIA ی راگەیاند: "دوای دواکاریمان و  کۆبونەوە لەگەڵ وەزیری تەندروستی عیراق بۆ روبەروبونەوەی نەخۆشی هەوکردنی پەردەی مێشکی مناڵان، وەجبەی یەکەمی دەرمان گەیشتە گەرمیان و وەجبەی دووەمیش بەم نزیکانە دەگات".

وتیشی: "بەنوسراوی ژمارە (٤٤٤٦) لە (١٧ / ٥ / ٢٠٢٣) وەزارەتی تەندروستی ئاگاداری کردینەوە کە ( ٧٣٣٢٢) پارچە دەرمانی پێویست گەیشتووە و وەجبەی دووەمیش (٦٢٧٣٥) پارچەی تر دەگات".

وێنەی نوسراوەکە....

PUKMEDIA