بنەماکان بۆ بڕیاری درووست چین؟

PUKMEDIA

کاروان سامان

‎کاروان سامان
 
‎مرۆڤ ڕووبەڕووی زۆر شت دەبێتەوە کە پێویست دەکات بڕیارێک بدات و حوکمی کۆتایی لەسەر دەربکات و هەندێک جار ئەو بڕیارانە بەهێز و دروستن، بۆیە ڕەوتی ژیانی خاوەنەکەی دەگۆڕن و هۆکارێک دەبن بۆ سەرکەوتنی یەک لە دوای یەک، هەندێک جاریش بڕیارەکان لاوازن و هیچ گۆڕانکارییەکی بەرچاو دروست ناکەن کە بڕیاردەر ئارەزووی دەکات.

‎بڕیاردان هەڵبژاردنی مرۆڤە  وەک بەدیل لە بژاردە بەردەستەکان بۆ تێپەڕاندنی بەربەست و کێشەیەک کە لە ڕێگادا وەستاوە.

‎پرۆسەی بڕیاردان پەیوەندییەکی نزیکی لەگەڵ کێشە هەیە، چونکە بڕیاردان زۆربەی کاتەکان ئەنجام نادرێت مەگەر کێشەیەک دروست ببێت کێشەکان پاڵنەر و بزوێنەری بڕیاردانن ، هەندێک لە دەروونناسەکانیش پێیان وایە لێکچوون و یەکدەنگی لە نێوان چارەسەرکردنی کێشە و بڕیاردان هەیە، هەردووکیان پێویستیان بە لێهاتوویی هەیە لە بیرکردنەوەدا.

‎مرۆڤ لە ژیانی ڕۆژانەیدا ڕووبەڕووی چەندین کێشە دەبێتەوە، بەو پێیەی ڕەنگە لە شوێنی کارەکەی و لە ماڵەوە و لە نێو هاوڕێکانیدا بیاندۆزێتەوە و ئەو کێشانەش وا دەخوازن کە چارەسەری بکات و بڕیارێک لەبارەیەوە بدات، ئەگەر نا ڕەنگە ببنە مایەی ڕێگریکردن لە سەرکەوتن و پێشکەوتنی.

‎مرۆڤ بۆ ئەوەی هەر کێشەیەک چارەسەر بکات، دەبێت چەند هەنگاوێک پەیڕەو بکات بۆ تێپەڕاندنی، ئەویش بە زانینی ئەو بوارانەی کێشەکە ڕووبەڕووی دەبێتەوە، بە وردی پێناسەکردنیان، پاشان هەڵبژاردنی ڕەفتاری گونجاو و چارەسەری گونجاو و هەنگاوی یەکەم لە چارەسەرکردنی هەر کێشەیەکدا بریتییە لە دیاریکردنی ئەو بوارانەی لادان کە لە نێوان ئەوەی کەسەکە پلانی بۆ داناوە، و ئەو کارەی کە ئەنجامی داوە یان تەواو بووە،  
‎چ کاتێک بڕیار دەدرێت؟ بنەماکان بۆ بڕیاردان چین؟

‎-هەستکردن بە بوونی کێشەیەک، و دەستنیشانکردنی جۆری کێشەکە بە کۆکردنەوەی زانیاری دروست لەسەری، وەک کاتی ڕوودانی و زیانەکانی.

‎- گەڕان و لێکۆڵینەوە لە چارەسەرە بەردەستەکان بۆ ڕزگاربوون لەم کێشەیە، ئاماژەدان بە سوود و زیانەکانی دانانی چارەسەرێک یان بەدیلێک ، مرۆڤ دەبێت داوای یارمەتی و ئەزموون لە کەسانی تری ڕاستگۆ و بەئەزموون بکات بکات هەرکات پێویست بوو بۆ کۆکردنەوەی زۆرترین زانیاری کە پێویستی پێیەتی لە بڕیاردانیدا، هەندێک جار سودوەرگرتن لە چیرۆکی سەرکەوتنەکانیان و قسەکردن لەسەر ئەو کێشانەی کە ڕووبەڕوویان بوونەتەوە و بڕیاری دروستیان تێدا داوە، ڕەنگدانەوەی ئەو بڕیارانە لەسەر ژیانی پراکتیکییان، کە بوونەتە هۆکاری سەرکەوتنیان لە کۆمەڵگادا.

‎- هەڵبژاردنی باشترین بەدیلەکان کە لەبەردەستی بڕیاردەردایە، دوای لێکۆڵینەوە و لێکۆڵینەوەی ورد.

‎-دانانی پێوەرێکی جێگیر و چوارچێوەیەکی دیاریکراو کە بڕیاردەر بڕیارەکانی لەسەر بنیات بنێت، وەک لێکۆڵینەوە لە بژاردە و بەدیلەکانی پێش خۆی، پێناسەکردنی لایەنە باش و خراپەکانی هەریەکەیان، ئەگەر بۆی دەرکەوت کە ئەم بەدیلە هەموو ئەوانەی سەرەوە بەدەست دەهێنێت، ئەوا با بڕیارەکە ئامادە دەبێت بۆ دەرکردن.

‎- وردبینی پێش بڕیاردان و پەلەنەکردن لە دەرکردنی بڕیار، خێرایی بڕیاردان میتۆدێکی هەڵەیە، ئەمەش ئاماژەیە بۆ نەبوونی بیرکردنەوەی ڕوون و نەبوونی ڕوونی دیدگا و تێگەیشتنی ورد بۆ بڕیاردەر، بۆیە دەبێت ئەوپەڕی بایەخ بە بابەتەکە بدات و بە عەقڵانیانە بیربکاتەوە، دوور لە سۆز و گرژی و توڕەیی. هەمووکەسێک پێویستە خۆی لە گرتنەبەری هەر بڕیارێک بپارێزێت لە کاتێکدا کە باری دەروونی خراپە، چونکە زۆرجار بڕیارەکان لەم جۆرە کاتانەدا هەڵەن، حیکمەت و ئەنجامێکی باشیان بۆ داهاتوو نییە.

‎-نەترسان لە هەڵەکردن لە بڕیاردان، ئەم ترسە ببێتە پاساو و هۆکارێک بۆ بڕیارنەدان، چونکە دۆزینەوەی چارەسەر بۆ کێشەکان مرۆڤ بێ هەڵە نییە، واجب نیە ئەنجامی بڕیار هەمیشە ڕاست بەڵکو پێویستە هەموو هەوڵێکی خۆی بدات.

‎-متمانە بەخۆبوون: بڕیاردەر دەبێت متمانەی بە توانا و بیرۆکەکانی هەبێت، بەهێزەوە ببینێت کە کەسێکی لێهاتووە بڕیاری گونجاو دەردەکات، چارەسەر بۆ قورسترین کێشەکان دەدۆزێتەوە ئەزموون و هەوڵەکانی وەگەڕ دەخات، هەروەها دەبێت بتوانێت ئەو کارانە بکات کە کەسی تر ناتوانێت بیکات، و چارەسەری گونجاو بۆ کێشەکەی بدۆزێتەوە بەبێ ئەوەی پشت بە کەسانی تر ببەستێت بۆ بڕیاردان بەناوی ئەوەوە.

‎هەندێک ئاکار هەن دەبێت لە سرووشت و ژینگەی بڕیاردان بۆ چارەسەرکردنی کێشەکان دوور بخرێنەوە ئەوانیش:

‎سەرلێشێواوی نێوان کێشەی سەرەکی و کێشە لاوەکییەکان و دەرئەنجامی.

‎پەلەکردن و بیرنەکردنەوە لە دەرکردنی چارەسەرێک بۆ کێشەکە، و نەگرتنی کاتێکی پێویست بۆ لێکۆڵینەوە لە کێشەکە و ڕەهەندەکانی و ڕێگاکانی چارەسەرکردنی.

‎سەیرکردنی کێشەکە لە لایەکەوە، و دوورکەوتنەوە لە گشتگیری سەبارەت بە دەرئەنجامەکانی چارەسەرە بەردەستەکان لە لایەنە باش و خراپەکانی.

‎ڕازی بوون بە یەکەم بەدیلی بەردەست کە کەسەکە بۆ چارەسەرکردنی کێشەکە دەیدۆزێتەوە، وە جێهێشتنی گەڕان و لێکۆڵینەوە بۆ بەدیلەکانی تر، کە ڕەنگە بوونیان گونجاوتر و سەرکەوتووتر بێت لە چارەسەرکردنی کێشەکەدا.

‎هەڵهاتن لە کێشەکە، چارەسەرنەکردنی هەندێک جار ترس لە ڕووبەڕووبوونەوەی کێشەکان.

PUKMEDIA