دەسەڵاتی جێگری سەرۆكی پەرلەمان تەنها شەش بڕگەیە

ئاژانسەكان

هێمن هەورامی

بەپێی دەسەڵاتە دیاریكراوەكانی جێگری سەرۆكی پەرلەمان كە لە پەیڕەوی ناوخۆدا هەیەتی، هێمن هەورامی ناتوانێت درێژە بە دانیشتنی پەرلەمان بدات لە كاتێكدا سەرۆكی پەرلەمان بڕیاری كۆتایی لەسەر هەر دانیشتنێك بدات، هەروەها هەورامی هاریكاری سەرۆكە بۆ رایی كردنی ئەركەكانی، بەشداریكردنی لە كارەكانی دەستەی سەرۆكایەتی تەنها وەك ئەندامە.

بەپێی ئەو بەدواداچوونەی  PUKMEDIA بۆ دەسەڵاتەكانی جێگری سەرۆكی پەرلەمانی كوردستان كردوویەتی، لە دەسەڵاتی ئەودا نییە لە ئامادەبوونی سەرۆكی پەرلەماندا هیچ بڕیارێك بدات و ناتوانێت دەسەڵاتەكانیشی بەكاربهێنێت.

ماددەی 19 لە پەیڕەوی ناوخۆی پەرلەمانی كوردستان تایبەتە بە دەسەڵاتەكانی جێگری سەرۆكی پەرلەمانی كوردستان كە ئێستا هێمن هەورامییە و بە شەش بڕگە دیاریكراوە.

بەپێی بڕگەی یەكەم كاتێك دەتوانێت دەسەڵاتەكانی سەرۆك پیادە بكات ئەگەر خۆی ئامادە نەبێت، بەڵام بەپێی بڕگەی دووەم هێمن هەورامی ئەركییەتی هاریكاری سەرۆك بكات بۆ رایی كردنی ئەركەكانی سەرۆكی پەرلەمان.

لە بڕگەی سێیەمی ماددەی 9 دا دەسەڵاتی جێگرە سەرپەرشتی و بەدواداچوون بۆ كاری لیژنەكان بكات و راپۆرت دەربارەیان پێشكەش بە سەرۆك بكات.

هەرچی بڕگەی چوارەمیشە لە دەسەڵاتیدایە سەرۆكایەتی كۆبوونەوەی هاوبەشی نێوان لیژنە هەمیشەییەكان بكات.

بەپێی بڕگەی پێنجەمی ئەو ماددەیەش هێمن هەورامی دەتوانێت بەشداری لە كارەكانی دەستەی سەرۆكایەتیدا بكات وەك ئەندام.

بڕگەی شەشەمیش پەیوەستە بەو دەسەڵاتانەی كە (سەرۆك پێی دەدات) یان لە یاسا كارپێكراوەكاندا هەیەتی.

بەگوێرەی ئەو دەسەڵاتانەی بەیاسا بۆ جێگری سەرۆكی پەرلەمان دیاریكراوە، ئەوا هێمن هەورامی هیچ دەسەڵاتێكی لە دەرەوەی ئەم شەش بڕگەیەی ماددەی 19 نییە و ئەو لێدوان و قسانەشی دەیكات لەدوای بڕیاری كۆتایی سەرۆكی پەرلەمان لەبارەی دانیشتنی ژمارە 4ی ئەمڕۆ نایاسایی و ناپەیڕەوییە و تەنها بۆ جێبەجێكردنی ئەجێندای حزبییە.

ئەو دەسەڵاتانەی سەرۆكی پەرلەمان بۆ كۆتایی هێنان و دواخستنی دانیشتنی پەرلەمان بەكاریهێنا بریتین لە: 

 دەسەڵاتی جێگری سەرۆكی پەرلەمان:

PUKMEDIA