سەركەوت زەكی: سروشتی كاری حزبی پێویستی بە گۆڕانكارییە

PUKMEDIA

سەركەوت زەكی سەرپەرشتیاری مەڵبەندی چەمچەماڵ و ستران عەبدوڵڵا لێپرسراوی مەكتەبی راگەیاندن

سەركەوت زەكی سەرپەرشتیاری مەڵبەندی چەمچەماڵ بەئامادەبوونی ستران عەبدوڵڵا  لێپرسراوی مەكتەبی راگەیاندن لەگەڵ سەرجەم ئەنجومەنی كۆمیتەكانی سنووری مەڵبەندەكە كۆبووەوە.

 سەرپەرشتیاری مەڵبەند لەوتەیەكدا باسی لەڕۆڵی خەڵكی چەمچەماڵ كرد مێژوویەكی درەشاوەیان هەیە لەشۆڕشی نوێ دا خاوەنی چەندین شەهید و سەروەری و سەركەوتنن و  لە شاڵاوی ئەنفالیشدا قوربانییەكی زۆریان داو وتی: "پێویستە باشترین خزمەت بكرێن هەوڵی چارەسەری كێشەو كەموكوڕییە خزمەتگوزارییەكانیان بدرێت".

لە باسی  كار و ئەركی رێكخراوەیشدا تەئكیدی كردەوە كە سروشتی كاری حزبی  پێویستی بە گۆڕانكاریی سەردەمە لەپێناو گەشەكردنی قۆناغەكان  و بەرنامەی هەفتە یادی 48 ساڵەی یەكێتی بۆ هەڤاڵان خستەڕوو.

ستران عەبدوڵڵا لەوتەیەكدا باسی لە رۆڵی راگەیاندنی یەكێتی كرد  و وتی: " كە كار بۆئەوە دەكەین هەنگاوی گەورەتربنێن بۆ باشتركردنی راگەیاندنەكەمان بەهیمەتی پسۆڕانی راگەیاندن  و  وەك هەمیشە راگەیاندنەكەمان دەخەینە خزمەتی خەڵك" ئاماژەی بەوەشدا: "لەڕێگەی راگەیاندنەكەمانەوە دواكاری خەڵك دەگەیەنینە حكومەت".

 ستران عەبدوڵڵا راشیگەیاند: "یەكێتی راگەیاندنی هەموو خەڵكە و  دەنگی كەسوكاری شەهید و ئەنفاڵ و كیمیابارانە و دەنگی هەموو تێكۆشەر و شۆرشگێرێك و دەنگی هەموو چین و توێژێكە".

PUKMEDIA