لوقمان وەردی: دەنگۆی کاراکردنەوەی کۆمسیۆن دوورە لەڕاستییەوە

PUKMEDIA

لوقمان وەردی

هیچ دانیشتنێک لەبارەی کاراکردنەوەی کۆمسیۆنەوە لەپەرلەمانی کوردستان ئەنجام نەدراوە و هەر لایەنێکیش دەیەوێت بە هەوڵی لابەلا کۆمسیۆن کارابکاتەوە پێچەوانەی یاسایە.

لوقمان وەردی جێگری فراکسیۆنی سەوز لە پەرلەمانی کوردستان بە سایتی رەسمیی یەکێتیی نیشتمانیی کوردستان PUKMEDIA ی راگەیاند:" هیچ پڕۆسەیەک لەبارەی دەنگدان لەسەر کاراکردنەوەی کۆمسیۆن لەپەڕلەمانی کوردستان ئەنجام نەدراوە و هەر لایەنێکیش دەنگۆی ئەوە بڵاودەکاتەوە کە کۆمسیۆن کاراکراوەتەوە دوورە لەڕاستییەوە".

" سەرۆکی پەرلەمان بەپێی ئەو دەسەڵاتەی کەپێیدراوە دانیشتنەکەی هەڵگرتووە بۆ کاتێکی نادیار لەدوای بڕیاری سەرۆکی پەرلەمانیش هەر دانیشتنێکی لابەلا کرابێت نایاساییە و پێچەوانەی پەیڕەوی ناوخۆی کوردستانە" لوقمان وەردی وایوت.

پێشتریش زیاد جەبار سەرۆکی فراکسیۆنی یەکێتی لەپەرلەمانی کوردستان لە کۆنگرەیەکی رۆژنامەوانیدا رایگەیاندبوو: رێگریمان کرد لەو بڕگە نایاساییەی کەخرابووە ناو دانیشتنی ئەمڕۆی پەرلەمانی کوردستانەوە، چونکە پێمان وایە پرسی هەڵبژاردن پرسێکی نیشتمانییە و پێویستە بە سازانی نیشتمانی تێبپەڕێنرێت.

PUKMEDIA