زیاد جەبار: ئەرکمانە وەک ئەندامی پەرلەمان رێگری لە کاری نایاسایی بکەین
کوردستان 11:23 AM - 2023-05-22
PUKMEDIA
فراکسیۆنی یەکێتی
فراکسیۆنی یەکێتیی نیشتمانیی کوردستان لە پەرلەمانی کوردستان رێگری لە کارێکی نایاسایی و پێچەوانەی پەیڕەوی ناوخۆی پەرلەمانی کوردستان دەکات و سەرۆکی فراکسیۆنەکەش دەڵێت: " هەرکاتێک سازان دروست دەبێت پارتى هەوڵى تێکدانى دەدات".
زیاد جەبار سەرۆکی فراکسیۆنی یەکێتیی نیشتمانیی کوردستان لە پەرلەمانی کوردستان لە کۆنگرەیەکی رۆژنامەوانیدا رایگەیاند: "پارتی دیموکراتی کوردستان هەرکاتێک لێک نزیکبونەوە لەنێوان یەکێتی و پارتی دروستبوبێت کارێکی نایاساییان کردوەو هەوڵیانداوە ئەو نزیکبونەوەیە کۆتایی پێبهێنن و لەو چوارچێوەیەشدا دوێنێ بڕگەیەکیان بۆ کارنامەی دانیشتنی ئەمڕۆی پەرلەمان زیادکرد کە تەواو نایاسایی بوو هەروەها پێچەوانەی پەیڕەوی ناوخۆی پەرلەمان بوو".
"سکرتێری پەرلەمان کە لەپێکهاتەکانە رۆڵێکی خراپی بینیوەو بوەتە هۆکاری دروستبونی گرژی و ئاڵۆزی لەهەرێمی کوردستان و ئەگەر ئەو نەبوایە بارودۆخی هەرێمی کوردستان هەرگیز نەدەگەیشتە ئەم بارودۆخە، بۆیە ئەرکی خۆمانە وەک ئەندامی پەرلەمانی کوردستان رێگری لەهەر کارێکی نایاسایی لە پەرلەمان بکەین، جێی دەستخۆشیشە کە سەرۆکی پەرلەمان رێگری لەو نایاساییە کرد و دانیشتنەکەی دواخست"، زیاد جەبار وای وت.
سەرۆکی فراکسیۆنی یەکێتیی دەشڵێت: "فراکسیۆنی پارتی بە سیناریۆو بە نایاسایی ویستیان ئەو بڕگەیە تێپەڕێنن، کە دوێنێ بە پێچەوانەی پەیڕەوەی ناوخۆ خستیانە کارنامەی دانیشتنی ئەمڕۆوە، بەڵام فراکسیۆنی یەکێتی دژی ئەو نایاساییە وەستایەوەو رێگەی نەدا ئەو بڕگە نایاساییە تێپەڕێنرێت".
زیاد جەبار ئەوەشی وت: "ئومێدمان هەبوو کە ئەو ئاشتەواییە لەسەر پرسی هەڵبژاردن بە گشتی و کورسی کۆتاکان بە تایبەت بەردەوام بێت، بەڵام دوای کۆبونەوەی وەفدی مەکتەبی سیاسی یەکێتی و پارتی لە پیرمام، هێمن هەورامی جێگری سەرۆکی پەرلەمان گەڕایەوە پەرلەمان و ئەو بڕیارە نایاساییەی دەرکرد، فراکسیۆنی یەکێتی بەردەوام دەبێت لەسەر هەڵوێستی خۆی لەبارەی هەموارکردنەوەی یاسای هەڵبژاردن کە داوای لایەنەکان و خەڵکی هەرێمی کوردستانە، رێگە نادەیان هەڵبژاردن بەو یاسا کۆنە بەڕێوەبچێت".
PUKMEDIA
هەواڵی زیاتر
-
بەرهەمهێنانی گازی سروشتی بۆ وێستگەكانی كارەبا دەستپێدەکاتەوە
05:35 PM - 2025-11-29 -
ئەحمەد میرە: میدیا سیخوڕەکان هەوڵی ناشرینکردنی سلێمانی دەدەن
03:44 PM - 2025-11-29 -
ئەمریکا.. دوای هێرشەکەی نزیک کۆشکی سپی دەرگا بەڕووی پەنابەراندا دادەخات
11:13 AM - 2025-11-29 -
دوو كهشتی لهدهریای رهش تهقینەوە
10:19 AM - 2025-11-29
ئەمانەش ببینە
خۆپیشاندانەکەی هەولێر بریندار و کوژراوی لێدەکەوێتەوە
02:36 PM - 2025-11-29
دابهشكردنی مووچهی مانگی ئهیلول راگهیهندرا
02:14 PM - 2025-11-29
هێرشهكهی كۆرمۆر و كاردانهوهكان
12:32 PM - 2025-11-29
مووچەی مانگی ئەیلوول بۆ هەرێم نێردرا
11:25 AM - 2025-11-29
زۆرترین خوێنراو
-
چەخماخ لێدە، چراکەم هەڵنەکردووە...
بیروڕا 01:49 PM - 2025-11-29 -
هێرشهكهی كۆرمۆر و كاردانهوهكان
کوردستان 12:32 PM - 2025-11-29 -
مووچەی مانگی ئەیلوول بۆ هەرێم نێردرا
کوردستان 11:25 AM - 2025-11-29 -
ئەمریکا.. دوای هێرشەکەی نزیک کۆشکی سپی دەرگا بەڕووی پەنابەراندا دادەخات
جیهان 11:13 AM - 2025-11-29 -
دوو كهشتی لهدهریای رهش تهقینەوە
جیهان 10:19 AM - 2025-11-29 -
بارانبارین ههرێمی كوردستان و عیراق دهگرێتهوه
عیراق 09:49 AM - 2025-11-29 -
رووی (سیا)ی میدیای چەواشە لە دۆسیەی كۆرمۆردا
بیروڕا 11:10 PM - 2025-11-28 -
لەسەر ڕاسپاردەی مەڵبەندی ڕاپەڕین موەلیدەکانی سنوورەکە کەوتنەوە کار
کوردستان 10:47 PM - 2025-11-28






.jpg)
دابەزێنە

