باندێکی ساغكردنەوەی دراوی ساختە دەستگیر دەکرێن

PUKMEDIA

لۆگۆی ئاسایش

بەڕێوەبەرایەتی ئاسایشی ڕاپەڕین دەستی بەسەر بڕی ١٨٠٠٠ دۆلاری ساختەدا گرت  و باندێکیشی دەستگیرکرد.

بەگوێرەی ڕاگەیەندراوێکی دەزگای ئاسایشی هەرێم کە وێنەیەکی بۆ سایتی رەسمی یەکێتیی نیشتمانیی کوردستان PUKMEDIA نێردراوە، دوای دەستکەوتنی زانیاری  لەسەر باندێکی ساغکردنەوەی ( دراوی ساختە ) هێزەکانی ئاسایشی ڕاپەڕین رۆژی ٢٠٢٣/٥/١٠ دوو تۆمەتبار دەستگیردەکەن کە  دانیشتوی هەرێمی کوردستانن و  دەستیش بەسەر بڕی ١٨,٠٠٠ دۆلاری ئەمریکی ساختەدا گیرا کە مەبەستیان بووە ساغیبکەنەوە.

هەر بەگوێرەی راگەیەندراوەکە دەستیش بەسەر بڕێک ماددەی هۆشبەر و  دەمانچەیەکی بێ مۆڵەتیشدا گیراوە، بە فەرمانی دادوەری لێکۆڵینەوەی ئاسایش تۆمەتباران بە ماددەی ( ٢٨١ ) لە یاسای سزادانی عيراقی اگیراون و لێکۆڵینەوە لە دۆسیيەکانیان بەردەوامە.

PUKMEDIA