سەرۆک کۆمار پێشوازی لە فەرماندەی نێردەی ناتۆ لە عیراق دەکات

PUKMEDIA

کۆبوونەوەی سەرۆک کۆماری عیراق و فەرماندەی پەیمانی باکووری ئەتڵەسی (ناتۆ) لە عیراق

دکتۆر لەتیف جەمال رەشید سەرۆک کۆماری عیراق ئەمڕۆ یەکشەممە 21-5-2023، لە کۆشکی بەغدا، پێشوازی لەفەرماندەی پەیمانی باکووری ئەتڵەسی (ناتۆ) لە عیراق، جیۆڤانی ئیانۆچی، بەبۆنەی کۆتایی هاتنی ئەرکەکانیەوە و خۆسێ ئەنتۆنی، فەرماندەی نوێی نێردەی ناتۆ لە عیراق کرد.

لە سەرەتای دیدارەکەدا سەرۆک سوپاسی و پێزانینی خۆی دەربڕی بۆ ئەو هەوڵانەی جیۆڤانی لە ماوەی کارکەیدا لە بەغدا و هیوای سەرکەوتنی بۆ خواست لە ئەرکەکانی داهاتوویدا، هاوکات بەخێرهاتنی فەرماندەی نوێی ناتۆ ی کرد و هیوای سەرکەوتنی بۆ خواست  و هەوڵەکانی ناتۆیشی لە یارمەتیدان و مەشقکردن و پشتیوانیکردنی هێزە ئەمنیەکانی عێراقی بەرز نرخاند.

سەرۆک کۆمار جەختی کردوە لە بارودۆخی ئەمنی جێگیر کە شارەکانی عیراق دوای لەناوبردنی تیرۆریزم بەخۆوە بینیوە و ئاماژەی بەوەدا کە ئێمە کاردەکەین بۆ ئەوەی وێنەیەکی راستەقینەی سەقامگیری و پێشکەوتنە ئەرێنییەکانی وڵاتەکە بگەیەنینە وڵاتانی جیهان.

هەروەها باسی لەو ئاستەنگانە کرد کە رووبەڕووی عیراق دەبنەوە، بەتایبەتی لە بواری کەمی ئاودا، هیوا خواست بۆ گەیشتن بە لێکتێگەیشتن لەسەر بەشی ئاوی عیراق و ئاماژەی بە پەرۆشی عیراق کرد بۆ بونیادنانی پەیوەندییەکی هاوسەنگ لە گەڵ پاراستنی سەربەخۆییمان لە بڕیارداندا کرد.

لە لای خۆیانەوە، هەردو سەرکردەی ناتۆ سوپاس و پێزانینی خۆیان دەربڕی بۆ ئەو پێشوازیە گەرمەی و جەختیان لە پابەندبوونی ناتۆ کرد بۆ پشتیوانیکردنی ئاسایش و سەقامگیری عیراق و سەلامەتی هاووڵاتیانی.

هەردوو سەرکردە ستایشی سەقامگیری بارودۆخی عیراقیان کرد لەم ساڵانەی دواییدا و هیوایان خۆاست کە سەرۆک کۆمار سەردانی  نێردەی ناتۆ  بکات.
PUKMEDIA