شاڵاو کۆسرەت رەسوڵ بۆ باڵیۆزی ژاپۆن: یەکێتی هەڵبژاردنێکی پاک و بێگەردی دەوێت

نوسینگەی رۆژنامەوانی شاڵاو کۆسرەت رەسوڵ

کۆبوونەوەی شاڵاو کۆسرەت رەسوڵ و فۆتوشی ماتسۆمۆتو

پێش نیوەڕۆی ئەمڕۆ یەکشەممە ٢١/٥/٢٠٢٣ لە شاری سلێمانی، شاڵاو کۆسرەت رەسوڵ پێشوازی کرد لە فۆتوشی ماتسۆمۆتو باڵیۆزی ژاپۆن لە عێراق.

لە دیدارێکدا گفتوگۆ کرا لەبارەی دۆخی عیراق و هەرێمی کوردستان، پەیوەندی نێوان هەرێم و بەغدا و گفتوگۆکانی نێوانیان، هەردوولا دیدو تێڕوانینی راشکاوانەی خۆیان خستەڕوو و هاوڕا بوون کە چارەسەری بنەڕەتی هەموو کێشەکان لەرێگای دیالۆگ و لێکتێگەیشتنی هاوبەش ئەنجام بدرێت.

تەوەرێکی تری دیدارەکە گفتوگۆکردن بوو لەبارەی هەڵبژاردنی پەرلەمانی کوردستان، شاڵاو کۆسرەت رەسول دیدگای یەکێتیی بۆ ئەم پرسە خستەڕوو و جەختی لە ئەنجامدانی هەڵبژاردنێکی پاک و بێگەرد کردەوە.

PUKMEDIA