قوباد تاڵەبانی:نەوشیروان مستەفا ناوێکی زیندوو سیاسییەکی دەگمەنە لەمێژوودا

نوسینگەی رۆژنامەوانی قوباد تاڵەبانی

نەوشیروان مستەفا

قوباد تاڵەبانی جێگری سەرۆکی ئەنجومەنی وەزیران لەساڵیادی کۆچی دوایی نەوشیروان مستەفادا پەیامێک بڵاودەکاتەوە و دەڵێت:"هەمووان شایەتی ئەوە دەدەن کە؛ هەوڵ و تێکۆشانەکانی کاک نەوشیروان، تەنها لەپێناو کورد و کوردستاندا بوو".

دەقی پەیامەکە...

لەساڵیادی کۆچی کاکە نەوەدا

کاک نەوشیروان، ناوێکی هەمیشە زیندوو و سیاسییەکی دەگمەن لە مێژووی گەلی کورددا، ئەو لە یەک کاتدا لە چەندین کایەی جیاوازدا دیار و هەڵکەوتوو بووە.

هەم لە بوارە مەیدانییەکەی سیاسەتدا؛ کەسێکی بەتواناو شارەزا بوو، هەم لە بواری تیۆرییشدا؛ لێهاتوو و خاوەن بیرێکی دەگمەن بوو. خوێندەوار و رۆشنبیر، ئازا و چاونەترس بوو.

هەمووان شایەتی ئەوە دەدەن کە؛ هەوڵ و تێکۆشانەکانی کاک نەوشیروان، تەنها لەپێناو کورد و کوردستاندا بوو.

بۆیە هەر کوردێک لە هەر شوێنێک بێت و لەسەر هەر بیروباوەڕێک و ئایدۆلۆژیایەک بێت، کاکە نەوە لەیاد ناکات. هەموو کات ناوی لە مێژووی نەتەوەکەماندا، درەوشاوەیە.

PUKMEDIA