هەڵمەتی نیشتمانی سەوزكردن گەیشتە خانەقین

PUKMEDIA

هەڵمەتی نیشتمانی سەوزكردن لە خانەقین

كارەكانی هەڵمەتی نیشتمانی روواندنی یەك ملیۆن نەمام لەسەر بڕیار و راسپاردەی بافڵ جەلال تاڵەبانی سەرۆكی یەكێتیی نیشتمانیی كوردستان تا دێت چڕتر دەبێتەوە و ئەمڕۆ سێ شەممە 16-5-2023، هەڵمەتەكە گەیشتە ناوچە دابڕێندراوەكانی كوردستان .

لەوبارەیەوە حسێن حەمەكەریم نوێنەری نووسینگەی سەرۆك بافڵ جەلال تاڵەبانی رایگەیاند: "ئەمڕۆ قۆناغێكی تری هەڵمەتەكەمان لەسنوری قەزای خانەقین و بەسەوزكردنی پاركێك راگەیاند بەچاندنی چەندین جۆری نەمام كەلەگەڵ سروشت و كەشوهەوای ئەم قەزایەدا بگونجێت".

وتیشی: "هەڵمەتەكە رۆژانی داهاتووش بەردەوام دەبێت لەناوشار و هەردوو ناحیەی گوڵاڵە ( جەلەولا )  و سەعدییە دەگرێتەوە".

هەڵمەتی نەمام روواندن بەئامادەبوونی بەڕێوەبەری فەرمانگەكانی شارەوانی و ژینگە و ناوەندی خانەقینی كۆمەڵەی كوردستانێكی سەوز و ژمارەیەكی بەرچاو لەژینگەدۆستان بەڕێوەچوو كە هەڵمەتەكەیان بەهەنگاوێكی گرنگ وەسفكرد بۆ خزمەتكردنی سنورەكەیان و خۆگونجاندن لەگەڵ گۆڕانكارییەكانی كەشوهەوا و گرفتی بەبیابانبوون لەسنوورەكەیاندا.

PUKMEDIA