دامەزراوەی سەرۆك جەلال تاڵەبانی و زانكۆی راپەرین یاداشتنامەیەك ئیمزا دەكەن

دامەزراوەی سەرۆك جەلال تاڵەبانی

دامەزراوەی سەرۆك جەلال تاڵەبانی و زانكۆی راپەرین یاداشتنامەیەك ئیمزا دەكەن

باڵیۆز د. محەمەد سابیر سەرۆكی دامەزراوەی سەرۆك جەلال تاڵەبانی، سەردانی زانكۆی راپەرینی كرد و یاداشتنامەی لێكتێگەیشتن لە نێوان زانكۆی راپەڕین و دامەزراوەی سەرۆك جەلال تاڵەبانی ئیمزا كرد.

ناوەڕۆكی یاداشتنامەی لێكتێگەیشتنەكە پەیوەستە بە بونیادنان و بەهێزكردنی هەماهەنگی و پەیوەندی بەهێز لەنێوان دامەزراوەی سەرۆك جەلال تاڵەبانی و زانكۆی راپەڕین لەبواری جیاوازی وەكو گەشەپێدان، ئاڵوگۆڕی زانیاری، ئەزموون و پڕكردنەوەی كەلێنەكان لەبوارە جیاوازەكاندا بۆ پێشكەشكردنی خزمەتگوزارییە پێویستییەكان و دابینكردنی ژینگەیەكی گونجاو بۆ خوێندكاران.

لەكۆنگرەیەكی رۆژنامەوانیشدا باڵیۆز  سەرۆكی دامەزراوەی سەرۆك جەلال تاڵەبانی و د. پەیمان رەمەزان ئەحمەد سەرۆكی زانكۆی راپەڕین ئامانجی یاداشتنامەكەیان بۆ رۆژنامەنووسان رونكردەوە و باسیان لەوەكرد كە ئامانجی سەرەكیان پەرەپێدانی پەیوەندی و هاوبەشی ستراتیژییە لەنێوان هەردوو دامەزراوەكەدا بۆ هاوكاریی و پشتیوانی بەردەوام و درێژخایەن، هەروەها ئەنجامدان و جێبەجێكردنی پڕۆژە و كاری هاوبەش و كۆكردنەوەی سەرچاوەی پەیوەندیدارو دابینكردنی هێڵكارییەكی فراوانی بەرپرسیاریەتییەكان.

ئاماژەیان بەوەشدا كە لە داهاتوویەكی نزیكدا دەستدەكەن بەجێبەجێكردنی ناوەڕۆكی ئەو لێكتێگەیشتنە و دەیخەینە خزمەت خوێندكار و مامۆستا و فەرمانبەرانەوە.

PUKMEDIA