یەکێتی و پارتی کۆدەبنەوە

PUKMEDIA

لۆگۆی یەکێتی و پارتی

بڕیارە پێشنیوەڕۆی ئەمڕۆ مەکتەبی سیاسی یەکێتی و پارتی لە سلێمانی کۆببنەوە، وتەبێژی یەكێتی نیشتمانیی كوردستانیش رایدەگەیەنێت: "لەكۆبوونەوەكەدا، بارودۆخی هەرێمی كوردستان و ئاڵنگارییەكانی بەردەمی تاووتوێدەكرێن".

د. سۆران جەمال تاهیر، وتەبێژی یەكێتیی نیشتمانیی كوردستان لە لێدوانێكیدا راگەیاند: "ئەمڕۆ سەعات 11ی پێشنیوەڕۆ مەكتەبی سیاسیی یەكێتیی نیشتمانیی كوردستان و پارتی دیموكراتی كوردستان لە سلێمانی كۆدەبنەوە".

د.سۆران جەمال تاهیر وتی : وەفدی یەكێتی پێکهاتووە، لە د.خەسرەو گوڵ محەمەد و شاڵاو عەلی عەسكەری و عیماد ئەحمەد و ڕزگار حاجی و ئەمین بابەشێخ و د.میران محەمەد، لەوەفدی پارتیش مەحمود محەممەد و رێبوار یەڵدا و عەلی حوسێن و د.پشتیوان سادق و د. هێمن هەورامی و د. جەعفەر ئیمینكی بەشداری كۆبوونەوەكە دەكەن .


هەر لەبارەی كۆبوونەوەكەوە وتەبێژی یەكێتی ئاماژەی بۆ ئەوەكرد، بارودۆخی هەرێمی كوردستان و ئاڵنگارییەكانی بەردەمی تاوتوێدەكرێن.