سەركەوت زەكی: پەیوەندییەكانی یەكێتی لە ئاستێكی باش دایە

PUKMEDIA

کۆبوونەوەی سەپەرشتیاری مەڵبەندی چەمچەماڵ

سەركەوت زەكی سەرپەرشتیاری مەڵبەندی چەمچەماڵ رایگەیاند: "پەیوەندییەكانی یەكێتی لەگەڵ لایەنە سیاسیە كوردستانی و عیراقییەكان پتەو و بەهێزە بەتایبەتی لەگەڵ لایەنە عیراقیەكان" هەروەك ئاشكراشیكرد لە بەرنامەی یەكێتیدایە پەرەی زیاتر بە پەیوەندییە دیپلۆماسیەكانیشی لەسەر ئاستی جیهانی و ناوەندە نێودەوڵەتیەكان بدات كە ئێستا لەئاستێكی زۆر باشدایە.

رۆژی 14/5 سەرپەرشتیاری مەڵبەندی چەمچەماڵ بەئامادەبونی مستەفا چاڵاوی جێگری سكرتێری ئەنجومەنی سەركردایەتی لەگەڵ ئەندامانی ئەنجومەنی مەڵبەندی رێكخستنی چەمچەماڵ كۆبوەوە و باسی لەباردۆخی ئەمڕۆی كوردستان وعیراق و ناوچەكە كرد و باسی لە ئاستی پەیوەندیەكانی یەكێتی كرد لەگەڵ سەرجەم لایەنە سیاسیە كوردستانی و عیراقیەكان كرد و رایگەیاند: "پەیوەندییەكانی یەكێتی لەگەڵ لایەنە سیاسیە كوردستانی وعیراقیەكان پتەو و بەهێزە بەتایبەتی لەگەڵ لایەنەعێراقیەكان هەروەها پەیوەندیە هەرێمیەكانی وناچەی وجیهانیەكانیش لەئاستێكی زۆر باشدایە و دەمانەوێ باشترو بەهێزتربێت".

سەرپەرشتیاری مەڵبەندی چەمچەماڵ ئاماژەی بە خۆڕاگری و نیشتمانپەروەری خەڵكی چەمچەماڵ و دەوروبەری كرد كە لەمێژووی خەباتی رزگاریخوازی گەلەكەمان و شۆڕشی نوێدا بەتایبەتی قوربانی زۆریان بەخشیوە و وتی: "پێویستە باشترین خزمەت بكرێن لە بواری ئاوەدانی و خۆشگوزەرانییەوە".

 هەر لە كۆبونەوەكەدا باسی كاروباری رێكخراوەیی و شێوازی نوێی كاركردن و ڕێكخستنەوەی ئۆرگانەكان بەپێی گونجاندنی هەلومەرجی سیاسی ئێستا كرا.
PUKMEDIA