وەفدێکی یەکێتی سەردانی ئەو گوندە دەکات کە داعش پەلاماری دا

PUKMEDIA

سەردانی وەفدێکی یەکێتی بۆ گوندی شنف

وەفدێکی یەکێتیی نیشتمانیی کوردستان بەسەرۆکایەتی لێپرسراوی مەڵبەندی نەینەوا سەردانی گوندی شنف-ی کرد کە چەکدارانی داعش ھێرشیان کردبووە سەری.

رۆژی 12ی5 وەفدێکی یەکێتیی نیشتمانیی کوردستان بەسەرۆکایەتی ئاراس محەمەد ئاغا لێپرسراوی مەڵبەندی نەینەوا سەردانی گوندی شنف-ی کرد کە چەکدارانی داعش ھێرشیان کردبووە سەری و وەفدەکە بەشداری پرسەی سێ شەهیدەکەی کرد و ئامادەیی یەکێتی-یان نیشاندا بۆ پشتوانی و پاراستنی گیانی هاووڵاتیانی ناوچەکە لە چەکدارانی داعش.

رۆژی 11ی5 تیرۆریستانی داعش پەلاماری گوندی شنفی ناحیەی نەمردوی خواروی پارێزگای نەینەوای دا و سێ کەس شەھید کران. وەفدەکەی یەکێتی پرسەوسەرەخۆشی بە خانەوادەی ھەرسێ شەھیدی دەستی تیرۆرستانی داعش گەیاند و پشتیوانی و ھاوکاری بەردەوامی یەکێتی بۆ دانیشتوانی گوندەکە دووپاتکرایەوە، بەڵێنیان پێدرا کە یەکێتی ئامادەیە بۆ پاراستن گیانی دانیشتوانی ناوچەکە، هەموو ڕێکارێک بگرێتەبەر.
PUKMEDIA