داهاتی هەفتەی رابردووی سلێمانی نزیکی 15 ملیار دینارە

PUKMEDIA

ماڵپەڕی شەفافییەت

شەفافیەت داهاتی یەك هەفتەی سلێمانی رادەگەیەنێت كە نزیکی 15 ملیار دینارە.

داهاتی یەك هەفتەی سلێمانی لە رۆژی 6-5- 2023 تا 12-5-2023، بڕی 14 ملیار و 911 ملیۆن و 734 هەزار و 678 دینار بووە، بەجۆرێك كە نزیکی 13 ملیار دیناری نەختینەیە و هەروەها نزیکی 2 ملیار دینار بەشێوەی چەكە و زیاد لە 150 هەزار دیناریش مقاصەیە.

سایتی شەفافیەت بۆ چاودێری و رێكخستنی داهاتە نانەوتییەكانی سلێمانی و هەڵەبجە و هەردوو ئیدارەی راپەڕین و گەرمیان داهاتی یەك هەفتەی راگەیاندووە بەشێوەیەك، داهات بڕی 14 ملیار و 911 ملیۆن و 734 هەزار و 678 دینار بووە، بەجۆرێك كە 12 ملیار و 944 ملیۆن و 45 هەزار و 890 دیناری واتە %87 نەختینەیە و هەروەها 1 ملیار و 967 ملیۆن و 534 هەزار و 287 دینار، واتە %13 بەشێوەی چەكە و بڕی 154 هەزار 500 دینار مقاصەیە.

رۆژی 15-12-2022 دوای 30 ساڵ، حكومەتی هەرێمی كوردستان لەسەر دەستی قوباد تاڵەبانی بوو بەخاوەنی پرۆژەی شەفافییەت لە داهات و خەرجی.

ئێستا رۆژانە دەتوانیت سەرجەم داهاتە نانەوتییەكانی پارێزگاكانی سلێمانی و هەڵەبجە و هەردوو ئیدارەی سەربەخۆی گەرمیان و راپەڕین لەسایتی شەفافییەتەوە بزانیت.

بەپێی نوێترین ئاماری سایتی شەفافییەت www.shafafiat.com، بڕیاریشە هەموو رۆژێك داهاتی ئەو شوێنانە بڵاوبكرێتەوە.
PUKMEDIA