هەڵۆی سوورەکانی بەغدا
بیروڕا 10:20 PM - 2023-05-09
PUKMEDIA
ستران عەبدوڵڵا
خەرامان
هەڵۆی سوورەکانی بەغدا
ستران عەبدوڵلا
بەغدا گەرمە و تەختانییە، لە بەر فیدرالی ناڵێم بیابان نییە، دەنا خۆی وایە.بیابانی سەراب و سیحر و خەنجەری ژەهری قەبیلەكانە، بە تایبەتی بەغداکەی بەعس.
بەڵام ناو جەرگەی بەغدا بۆ هەڵۆی سوور دەبێتە شاخی سەركەشی كوردستان. لەهەر جێ ویستی ئازادی و ئازادیخوازی هەبێت كوردستانە، جا لە باخچە هەڵواسراوەكانی بابل ، یان سێدارە هەڵواسراوەكانی بەغدا بێت.
هەڵۆی سوور هەر ناوی دیوانی شیعری موقامەتی زمانی شیرینی كوردی نییە. لە بەغدا هەڵۆی سوور ناونیشانی درامای سیزیفی گەرمەسێرە.
مولازم جوامێر و هاوڕێكانی دواپەردەی خوێنینی تێكۆشانی گەرمەسێری و فەیلی نمایش دەكەن.
پایتەخت زیندانە کە کلیلەکەی لای جەلادە و سەری كۆڵانی سیاسەتی بەغداد گیراوە، بەحاڵ و ئەستەم جێی فەیلی و دیموكراسی و دادی تێدا دەبێتەوە. نە بازاڕ ماوە ، نە شۆرجە. نە مەدرەسەی سانەوی فەیلی هەیە و نە لەیلا قاسم لەگەڵ وەسفیە بەنی وەیس دەچنە ئادابی بەغدا.
هەیە و نییە گولەی تایفەگەری و گوللەی تەسفیر و تەرحیل. فەسڵی (بێژەن و کەیخەسرەو و کامبیزە) ، گێڕانەوەی پەژارەیە و ئەلمەنسور دیسان لە ئەبو موسلیمی هەڵپێچاوە و گەرەكێتی عەهد و پەیمان پێشێل بكات. هەڵۆ سورەكان بۆ كورد و كوردستانێك ،كە یەك بست زەوی و یەك قروشیان تیا نییە، زنجیر دەپسێنن و لەسەر كوردستان و فەرهەنگەكەی دێنە جواب و دەسترێژ لە بەعسییەکی زمان لووس دەكەن کە رۆشنبیری کوردی گڵاو کردووە.
ئەمە داستانی هەزار دەستانە و باقی شانامەی فیردۆسی سەدە، شمشێری عەلی و پەڵە خوێنی رۆستەم و زۆراب لەكەس شاراوە نییە و دەماودەم دەگێڕدرێتەوە.
ئەمە كورتەی هەڵۆی سوور و كورتەی نەفرەتی بەرامیكەیە كە یەخەی سیزیڤی كوردی بەرنەداوە.
ئەم چیرۆكە بەغدای قەرەباڵەغە كە تا ئێستاش لە كورد عاسێیە. ئەمە بەسەرهاتی هەڵۆ جوامێر و رەفیقە شەهیدەکانێتی کە لە ناو عمومی مەملەکەتا فازڵ بەراکیان هەراسان و مام جەلالیان سەربەرز کردبوو.
PUKMEDIA
هەواڵی زیاتر
-
بەرهەمهێنانی گازی سروشتی بۆ وێستگەكانی كارەبا دەستپێدەکاتەوە
05:35 PM - 2025-11-29 -
ئەحمەد میرە: میدیا سیخوڕەکان هەوڵی ناشرینکردنی سلێمانی دەدەن
03:44 PM - 2025-11-29 -
ئەمریکا.. دوای هێرشەکەی نزیک کۆشکی سپی دەرگا بەڕووی پەنابەراندا دادەخات
11:13 AM - 2025-11-29 -
دوو كهشتی لهدهریای رهش تهقینەوە
10:19 AM - 2025-11-29
ئەمانەش ببینە
خۆپیشاندانەکەی هەولێر بریندار و کوژراوی لێدەکەوێتەوە
02:36 PM - 2025-11-29
دابهشكردنی مووچهی مانگی ئهیلول راگهیهندرا
02:14 PM - 2025-11-29
هێرشهكهی كۆرمۆر و كاردانهوهكان
12:32 PM - 2025-11-29
مووچەی مانگی ئەیلوول بۆ هەرێم نێردرا
11:25 AM - 2025-11-29
زۆرترین خوێنراو
-
چەخماخ لێدە، چراکەم هەڵنەکردووە...
بیروڕا 01:49 PM - 2025-11-29 -
هێرشهكهی كۆرمۆر و كاردانهوهكان
کوردستان 12:32 PM - 2025-11-29 -
مووچەی مانگی ئەیلوول بۆ هەرێم نێردرا
کوردستان 11:25 AM - 2025-11-29 -
ئەمریکا.. دوای هێرشەکەی نزیک کۆشکی سپی دەرگا بەڕووی پەنابەراندا دادەخات
جیهان 11:13 AM - 2025-11-29 -
دوو كهشتی لهدهریای رهش تهقینەوە
جیهان 10:19 AM - 2025-11-29 -
بارانبارین ههرێمی كوردستان و عیراق دهگرێتهوه
عیراق 09:49 AM - 2025-11-29 -
رووی (سیا)ی میدیای چەواشە لە دۆسیەی كۆرمۆردا
بیروڕا 11:10 PM - 2025-11-28 -
لەسەر ڕاسپاردەی مەڵبەندی ڕاپەڕین موەلیدەکانی سنوورەکە کەوتنەوە کار
کوردستان 10:47 PM - 2025-11-28






.jpg)
دابەزێنە

