سەرپەرشتیاری مەڵبەندی چەمچەماڵ دەستبەکاربوو

PUKMEDIA

سەرپەرشتیار مەڵبەندی چەمچەماڵ دەستبەکاربوو

سەركەوت زەكی وەك سەرپەرشتیاری مەڵبەندی ڕیكخستنی چەمچەماڵ دەسبەكاربوو، هەروەك ستایشی كارەكانی لێپرسراوی پێشووی مەڵبەندەكە كرا كە لەماوەی كاركردنیدا جێدەستی دیاربووە.

رۆژی دووشەمە لە مەراسیمێكدا بە ئامادەبوونی مستەفا چاڵاوی جێگری سكرتێری ئەنجومەنی سەركردایەتی و مەلا ئاری ئەندامی سەركردایەتی و ئەندامانی مەكتەبی ڕێكخستن و ھەڤاڵانی ئەنجومەنی مەڵبەند و كۆمیتە و ئۆرگانەكانی سنوری چەمچەماڵ لە سەركەوت زەكی لێپرسراوی مەكتەبی رێكخستن وەك سەرپەرشتیاری مەڵبەندی ڕێكخستنی چەمچەماڵ دەستبەكاربوو.

لەوتەیەكدا سەرپەرشتیاری مەڵبەندی چەمچەماڵ باسی لە گۆرانكارییەكان لەئۆرگانەكانی یەكێتی دا كرد و رایگەیاند :" لەسەر ڕاسپاردەی سەرۆك بافڵ جەلال تاڵەبانی و دەستەی كارگێڕ ئەم گۆڕانكاریانە دەكرێت و لە ئێستادا ئەركی سەرپەرشتی مەڵبەندی چەمچەماڵ جێبەجێ دەكەین".

"ئەمانەوێت لە ماوەی كاركردنماندا كاری ڕێكخراوەی بكەین و كاری حزبی ببوژێنیینەوە بەجۆرێك لەگەڵ سروشتی لە كاری حزبی و هەلومەرجی ئێستادا بگونجێت" سەركەوت زەكی وایوت .

سەركەوت زەكی  دەستخۆشی لە ڕێبوار عومەر لێپرسراوی پێشوی مەڵبەند كرد كە كاری زۆر باشی لە مەڵبەند كردوە و توانیویانە خزمەتی باشی ئەم شارە بكەن هیوای سەركەوتنی لە كاری داھاتوویدا  بۆخواست .

PUKMEDIA