لە ترۆپكی هێزی بەعسدا خۆپیشاندانی زانكۆی سەڵاحەدین ئەنجامدرا

PUKMEDIA

پەروین بابەكر

پەروین بابەكر

ئەمڕۆ 41 ساڵ تێدەپەرێت بەسەر خۆپیشاندانی خوێندكارانی زانكۆی سەڵاحەدین لە هەولێر، دوای ئەو زەمەنە، هێشتا یادی شەهیدانی ئەو خۆپیشاندانە لامان زیندووە و بەڕێز و بە وەفاوە دەڕوانینە سایەی خوێنی گەشیان، لەناویاندا بۆ بەندە شەهید سەفا سدیق جەراح  هەم هاوڕێ و هەم نموونەی نەبەردی بوو. 

كاتێك دەسەڵاتی بەعس، بە گژ هەر جوڵەیەكدا دەچووەوە، كە بۆنی كوردایەتی و كوردبوونی لێبێت، لەو كاتەدا كە دەسەڵاتی دیكتاتۆریەتی عیراق، لە ترۆپكی هێزدا بوو، رەشبگیری و كوشتن و لەناوبردنی كردبوو بە بەرنامە، لەو رۆژگارە رەشەدا، بڕیاری خۆپیشاندانی سەرتاسەری زانكۆ درا، كە بەرنامەكە بەو شێوەیە بوو لە ناو زانكۆوە سەرهەڵبدات و هەموو شار بگرێتەوە، بەڵام بەداخەوە، بەهۆی زوڵم و زۆری دەسەڵاتەوە، بەهۆی ئەوەی دەسەڵاتی ئەوكات سڵی لە خوێن رشتن نەدەكردەوە، بە دەیان شێوازی جیاواز بە بێ دەست پاراستن لە خوێندكار و لە كوڕ و كچ، دەستی بە كوشتن و لەناوبردن كرد. 

بەداخەوە لەو خوێپیشاندانەدا، تێكۆشەر سەفا سدیق جەراح شەهید بوو، بەشێوەیەكی ئەوەندە كاریگەر و نا مرۆڤانە شەهید كرا، جگە لە بەعسییەكان لە دەسەڵاتی هیچ مرۆڤێكدا نییە ئەو كارە بكات. شەهید سەفا چووە كاروانی نەمرانەوە و ئەوەی ساڵانە بەدوای یاد و یادگاریدا وێڵ بوو، خەباتگێڕ و پێشمەرگەی دێرین كاك نەوزاد سدیق جەراحی برای بوو، كە هەموو ساڵێك بە گوڕ و تینەوە دەیویست یادی شەهید سەفا بەرز رابگرێت، بەداخەوە بۆ ئەم ساڵ كاك نەوزادیش بەجێیهێشتین. 
درود بۆ گیانی پاكی شەهید سەفا و كاك نەوزاد و سەرجەم شەهیدانی رێگای رزگاری و ئازادی. 


PUKMEDIA