سەرۆک بافڵ پرسەنامەیەک ئاڕاستەی بنەماڵەی (حەیدەر شێخ عەلی فەیلی) دەکات

PUKMEDIA

بافڵ جەلال تاڵەبانی سەرۆکی یەکێتیی نیشتمانیی کوردستان

بافڵ جەلال تاڵەبانی سەرۆکی یەکێتیی نیشتمانیی کوردستان بۆ كۆچی دوایی تێكۆشەری دێرین (حەیدەر شێخ عەلی فەیلی) وەزیری پێشووتری گواستنەوە و گەیاندنی حكومەتی هەرێمی كوردستان پرسەنامەیەک ئاڕاستەی بنەماڵەکەیان دەکات.

دەقی پرسەنامەکە...

بەڕێزان كەسوكار و خانەوادەی‌ حەیدەر شێخ عەلی
‎بەڕێز مەکتەبی سیاسیی حزبی شیوعی کوردستان

‎بەخەمێکی قووڵەوە هەواڵی كۆچی دوایی تێكۆشەری دێرین (حەیدەر شێخ عەلی فەیلی) وەزیری پێشووتری گواستنەوە و گەیاندنی حكومەتی هەرێمی كوردستان، سەركردەی دیاری حزبی شیوعی كوردستان و كوردانی فەیلیمان پێگەیشت.

‎بۆ ئەم خەمە گەورەیە پرسە و سەرەخۆشی ئاڕاستەی بەڕێزتان دەكەم، لەخوای گەورە داواكارم كۆچكردوو بە بەهەشتی بەرین شاد بكات و سەبووری بەهەموولایەك ببەخشێت.

‎دڵسۆزتان 
‎بافڵ جەلال تاڵەبانی 
‎سەرۆکی یەکێتیی نیشتمانیی کوردستان

PUKMEDIA