باڵیۆزخانەی فەڕەنسا: عیراق و هەرێم شنگال و ئێزدییەكان بپارێزن

ئەرشیف

ئێزدییەكان

لە بەیاننامەیەكدا باڵیۆزخانەی فەڕەنسا لە عیراق ئیدانەی ئەو هێرشكردنە دەكات كە كراوەتە سەر ئێزدییەكان و رایدەگەیەنێت: "ئێزدییەكان مافی خۆیانە كە ژیانێكی شایستەیان هەبێت و بەو شێوەیە بژین كە خۆیان دەیانەوێت".

باڵیۆزخانەی فەڕەنسا لەعیراق رایگەیاند: "فەڕەنسا بە هەموو شێوەیەك هێرشكردنە سەر ئێزدییەكان لە ڕێی بەكارهێنانی وتاری رەق و كینەوە ئیدانە دەكات، هاوكات داواشدەكات حكومەتی عیراق و هەرێمی كوردستان كارەكانیان باشتربكەن بۆ پارێزگاری لە شنگال و ئێزدییەكان، چونكە ئەوە مافی هەموو پێكهاتەكانە كە بە شێوەیەكی ئاشتی و ئارامی لە هەموو عیراقدا بژین".

هەر لەبەیاننامەكەدا باڵیۆزخانەی فەڕەنسا تەئكیدی لە پاڵپشتی حكومەتەكەی بۆ ئێزدییەكان كردەوە و ئەوەی خستەڕوو: "كە ئێزدییەكان مافی خۆیانە كە ژیانێكی شایستەیان هەبێت و بەو شێوەیە بژین كە خۆیان دەیانەوێت".

PUKMEDIA