سەرۆك بافڵ: ژیان و ئارامی خەڵك هێڵی سوورە

نووسینگەی سەرۆکی یەکێتی

ڤیدیۆ كۆنفرانسی كۆبوونەوەیەكی باڵای ئەمنی

بافڵ جەلال تاڵەبانی، سەرۆكی یەكێتیی نیشتمانیی كوردستان لە رێگەی ڤیدیۆ كۆنفرانسەوە سەرپەرشتی كۆبوونەوەیەكی باڵای ئەمنی كرد.

‎لە كۆبوونەوەكەدا شێخ ئەحمەد حەمە كەریم، ئەندامی مەكتەبی سیاسی و جەلال شێخ ناجی، سەرۆكی ئاژانسی پاراستن و زانیاری/زانیاری و لیوا روكن عومەر ساڵح، سەرۆكی ئەركانی هێزەكانی 70 و هیوا ئەحمەد، سەرۆكی دەزگای ئاسایشی هەرێم و وەهاب هەڵەبجەیی، بەڕێوەبەری گشتی دژەتیرۆر و دیار عومەر، جێگری فەرماندەی فەرماندەیی  كۆماندۆی كوردستان ئامادەبوون.

‎دۆخی ئەمنیی هەرێم و عیراق، رێكارەكانی روبەڕوبوونەوەی تیرۆر و یەكخستنەوەی هێزی پێشمەرگە تەوەرەكانی كۆبوونەوەكە بوون و سەرۆك بافڵ جەلال تاڵەبانی ئامادەبووانی بەرچاوڕوونكرد و رایگەیاند: "پاراستنی سەقامگیریی هەرێم و سەلامەتی خەڵكەكەی ئەركی ئێوەیە، بۆیە هەماهەنگی بەردەوام و چالاكییە هاوبەشەكانی نێوان دەزگا ئەمنییەكان فاكتەرێكی گرنگی بەدیهێنانی ئەو ئامانجە باڵایە و پاراستنی بەرژوەندییە گشتی و نیشتمانییەكانە".

‎سەرۆك بافڵ وتیشی: "ژیان و ئارامیی خەڵكە خۆشەویستەكەمان هێڵی سوورە و بەهەمووشێوەیەك دژی یاساشكێنی و هەر هەوڵێك بوەستنەوە كە ئامانجەكەی دروستكردنی پشێوی و ناسەقامگیرییە".


PUKMEDIA