هەڵمەتی چاندنی یەك ملیۆن نەمام گەیشتە قەزای سەیدسادق

PUKMEDIA

هەڵمەتی چاندنی یەك ملیۆن نەمام

لەمیانی هەڵمەتی نیشتمانی ڕوواندنی یەک ملیۆن نەمام کەلەسەر بڕیار و راسپاردەی بافڵ جەلال تاڵەبانی سەرۆکی یەکێتیی نیشتمانیی کوردستان بۆ سەوزکردنی کوردستان بەڕێوەدەچێت.

رۆژی سێ شەممە 2-5-2023 بەئامادەبوونی قائیمقام و بەڕێوەبەری فەرمانگەکانی سنووری شارەکە هەڵمەتی چاندنی نەمام لەدارستانی سەراو سەر بەبەڕێوەبەرایەتی دارستان و پاوانی سلێمانی بەڕێوەچوو.

لەوبارەیەوە رەزا محەمەد قائیمقامی قەزای سەیدسادق خۆشحاڵی خۆی دەربڕی کە هەڵمەتی نیشتمانی سەرۆک بافڵ بۆ سەوزکردنی کوردستان سنووری قەزاکەیانی گرتووەتەوە، وتیشی: "ناوچەکەیان  پێویستی بەزیادکردنی رووبەری دارستانی و سەوزاییە ئەم هەڵمەتەش باشترین پشتیوانییە بۆ گەیشتن بەو ئامانجە" .

هاوکات ئازاد فەریق لێپرسراوی هۆبەی دارستان و پاوانی سەیدسادق رایگەیاند: "ئەمڕۆ بەئامادەبوونی حسێن حەمە کەریم نوێنەری سەرۆک بافڵ جەلال تاڵەبانی و بەڕێوەبەری دارستان و پاوانی سلێمانی دەستمان کرد بە ڕوواندنی نەمام لەشوێنی ئەو دارانەی ساڵانی رابردوو وشکبوون و لەناوچوون، وتیشی: "هەڵمەتەکە گرنگە بۆ دارستانی سەراو بەوپێیەی رووبەرێکی بەرفراوانی هەیە پێویستییەکی زۆری  بەخزمەت و زیادکردنی رووبەری دارستان هەیە".

PUKMEDIA