وەفدێكی پارتی چەپی سەوزی هۆڵەندی سەردانی یەكێتی دەكەن
ی ن ک 05:35 PM - 2023-05-01سەردانی وەفدێکی پارتی چەپی سەوزی هۆڵەندی بۆلای یەکێتی
وەفدێکی
پارتی چەپی سەوزی هۆڵەندی لە شاری هەولێر سەردانی یەکێتی-یان کرد و لەلایەن لێپسراوی
بۆردی پەیوەندییەكانی دەرەوەی یەكێتی نیشتیمانی كوردستانەوە پێشوازییان لێکرا.
لە
بارەگای مەكتەبی سیاسی یەكێتی لە هەولێر، پێشنیوەڕۆی ئەمڕۆ دوو شەممە 1/5/2023، وەفدێکی پارتی چەپی
سەوزی هۆڵەندی بەسەرۆكایەتی میڵكا یامانی (سەرۆكی دامەزراوەی نێودەوڵەتی بۆ
كاروباری دەرەوە) لە پارتی چەپی سەوزی هۆڵەندی سەردانی یەکێتی-یان کرد و لەلایەن
سەركەوت مەحەمەد غەفوور ئەندامی سەركردایەتی و لێپسراوی بۆردی پەیوەندییەكانی
دەرەوەی یەكێتی نیشتیمانی كوردستان و فەهیمە سابر ئەندامی سەركردایەتی پێشوازییان
لێكرا.
لەكۆبوونەوەیەكدا،
كە بەختیار بەكر نوێنەری یەكێتی لە هۆڵەندا، ئامادەی بوو و یاوەری وەفدیە هۆڵەندییەكەی دەكرد، باس لە پەیوەندی
دوو قۆڵی و چەندین بابەتی گەرماوگەرمی سیاسی كران، بەشداربووانی كۆبوونەوەكە،
پێداگرییان كرد لە پشتیوانی یەكتری هێزە چەپ و پێشكەوتووخوازەكان بەشێوەیەكی گشتی
لەپێناو بەدیهێنانی ئامانجە هاوبەشە هێشتا بەدینەهاتووەكان. هەر لەم كۆبوونەوەیە،
د.كەنار فازل هیدایەت ئەندامی ئەنجومەنی مەكتەبی پەیوەندییەكانی دەرەوەی یەكێتی،
سەبارەت بە ڕەوش و پێگەی ژنان و گەنجان لەناوچەكە بابەتێكی شیكاری پێشكەش بە
میوانەكان كرد و ئامەژەی بە ڕۆڵ و پێگەی ئێن جی ئۆكان كرد.
لە
درێژەی كۆبوونەوەكەی وەفدەكەی پارتی چەپی سەوزی هۆڵەندی و یەكێتی لە هەولێر، پاش گۆڕینەوەی
بیروڕا و قسەكردن لەسەر دوا پێشهاتە سیاسیەكان لەناوچەكە، بڕیاردرا درێژە بەم
پەیوەندیانە بدرێت و سەردانی دوولایەنە بەردەوامی هەبێت لەنێوانیاندا و بەشداری لە
چالاكییە فراوەنەكانی یەكتربكەن. شایەنی باسە پێشنیاری كار و پڕۆژەی هاوبەش
لەنێوان یەكێتی و پارتی چەپی سەوزی هۆڵەندی بەمەبەستی كردنەوەی خول و ڕاهێنانی
ئەندامانی یەكێتی و بەشداری كردن لە كۆنفڕانس و چالاكییەكانی پەیوەست بە كاروباری
دەرەكی پەسندكرا.
بەختیار
بەكر نوێنەری یەكێتی لە هۆڵەندا لە لێدوانێكی تایبەتدا بۆ كەناڵەكانی یەكێتی،
سەبارەت بە پارتی چەپی سەوز ڕایگەیاند: پارتی چەپی سەوز پارتێکی سیاسی هۆڵەندییە و
واژۆی چەپی پێشکەوتنخوازانەی هەیە. پارتی چەپی سەوز لە ساڵی 1990 دوای یەکگرتنی
چوار پارتی چەپ دامەزراوە کە بریتین لە PPR، PSP، CPN و EVP.
ژمارەی
ئەندامەكانی پارتەكە 33 هەزاری تێپەڕاندووە كە زۆربەیان گەنجن. لە پەرلەمانی
هۆڵەندا و پەرلەمانی ئەوروپا فڕاكسیۆنەكانیان كاران و ئەندامی بڵۆكی سەوزەكانن.
لەسەر ئاستی شارەوانییەكانی هۆڵەندا 537 ئەندامی ئەنجومەنی شارەوانییان هەیە.
پۆستی پارێزگاری ئەمستەردام لەم پارتەیە و بەیەكێك لە پارەتە هەرە خاوەن پێگە جەماوەرییەكان
هەژمار دەكرێن.
PUKMEDIA
هەواڵی زیاتر
-
19-5 ههرێمی كوردستان یهكهمین ههڵبژاردنی ئازادی ئهنجامدا
09:54 AM - 2024-05-19 -
حەوت ساڵ بەسەر كۆچی رەوانشاد نەوشیروان مستەفا تێدەپەڕێت
09:16 AM - 2024-05-19 -
هێزی پێشمەرگە و سوپای عیراق و هاوپەیمانان کۆبونەوەی باڵا دەکەن
09:34 PM - 2024-05-18 -
نێروەیی: هەواڵەکەی خەبات پەیامێکی هەواڵگرییە
05:33 PM - 2024-05-18
ئەمانەش ببینە
٧٤ هەمین هەفتانەی دیجیتاڵی ئینگلیزی بڵاودەكرێتەوە
09:02 AM - 2024-05-19
وەزیری رۆشنبیری: ئێستا جاسوسی بە ئاشکرا دەکرێت
09:26 PM - 2024-05-18
لەهەڵبژاردنی سەرۆکی پەرلەماندا عیساوی پێش مەشهەدانی کەوت
05:45 PM - 2024-05-18
دەنگدان بۆ هەڵبژاردنی سەرۆکی نوێی ئەنجومەنی نوێنەران دەستیپێکرد
04:10 PM - 2024-05-18
زۆرترین خوێنراو
-
جاسوسی
بیروڕا 09:23 PM - 2024-05-18 -
لەهەڵبژاردنی سەرۆکی پەرلەماندا عیساوی پێش مەشهەدانی کەوت
عیراق 05:45 PM - 2024-05-18 -
نێروەیی: هەواڵەکەی خەبات پەیامێکی هەواڵگرییە
کوردستان 05:33 PM - 2024-05-18 -
دەنگدان بۆ هەڵبژاردنی سەرۆکی نوێی ئەنجومەنی نوێنەران دەستیپێکرد
کوردستان 04:10 PM - 2024-05-18 -
سەرۆکی فراکسیۆنی یەکێتی: دانانی پارێزگارێک بۆ کەرکوک کێشەکان چارەسەر دەکات
کوردستان 12:33 PM - 2024-05-18 -
کتێبی شەو لەكێوان ناساندنی بۆ كرا
کوردستان 11:36 AM - 2024-05-18 -
ساڵیادی کۆچی دوایی عادل موراد بەڕێوەچوو
ی ن ک 11:08 AM - 2024-05-18 -
ئهنجومهنی نوێنهران بۆ ههڵبژاردنی سهرۆكهكهی كۆدهبێتهوه
عیراق 09:46 AM - 2024-05-18