سەرۆک کۆمار به سەرۆکایەتی وەفدێکی باڵا گەیشته کۆماری ئیسلامی ئێران

PUKMEDIA

سەرۆککۆماری عیراق

د. لەتیف جەمال رەشید سەرۆک کۆماری عیراق بە سەرۆکایەتی وەفدێکی باڵا گەیشته کۆماری ئیسلامی ئێران بە ئامانجی ئەنجامدانی زنجیرەیەک دیدار و چاوپێکەوتن.

سەرۆک کۆماری عیراق، ئەمڕۆ شەممە 29-4-2023، بە سەرۆکایەتی وەفدێکی باڵا بە سەردانێکی رەسمی لەگەڵ خانمی یەکەم شاناز ئیبراهیم ئەحمەد، گەیشتنە کۆماری ئیسلامی ئێران.

سەرۆک کۆمار سەرۆکایەتی وەفدێکیی ئاست بەرز دەکات کە پێکدێت لە جێگری سەرۆک وەزیران و وەزیری دەرەوە، د. فوئاد حوسێن، وەزیری کارەبا زیاد عەلی فازل، وەزیری سەرچاوە ئاویەکان عەبد عەون دیاب، ڕاوێژکاری ئاسایشی نیشتمانی قاسم ئەعرەجی،  ژمارەیەک ڕاوێژکار و بەرپرسانی باڵا.

سەردانەکە لەسەر بانگهێشتی فەرمی سەرۆکی ئێرانی ئیبراهیم ڕەئیسی دێت، کە چاوەڕوان دەکرێت لەگەڵ بەرپرسانی باڵای ئێراندا کۆببێتەوە.

PUKMEDIA