یادگاری هەڵبەست و ئاواز

PUKMEDIA

ستران عەبدوڵڵا

ستران عەبدوڵڵا

(ئاوێنە بچوكەكان) پۆستەرە شیعری شۆڕش و  گوڵی یەخەی پێشمەرگەی دڵتەڕبوو.

(داستانی هەڵۆی سوور) وەك مانفێستێكی ئەدەبی وابوو بە دۆڵ و چیا و دونیای وت تارماییەكی نوێ بە ئاسمانی كوردەواریدا هەوری شۆرشی نوێی هێناوە.پەڵەی داوە و  پلەی شۆرشێكی راستەقینەی سەرتاسەری كوردستانی بەدەست هێناوە. هێزی  (ئاسودەبن زەبری زیندان) و هێزی پشتیوانە.

شیعر بەشێكە لە شۆرش و ئەدەبی مقاوەمەش بەشدارە لە كانونی ئەم بانگەوازە.

ئەسڵەن شریتی یادەوەری كوردایەتی دەڵێ لە پێشدا داستانی مەموزینی خانی و دیوانی حاجی  لە ئەندێشە چرۆیان كرد، ئینجا  شۆڕش لە سەرگەڵو و بەرگەڵو  فریشتەی پێشمەرگەی هێنایە سەر ئەرز و مەسەلە لە خەیاڵ ترازا.

شیعر لە باشووری كوردستانەوە هات و سرود و  رۆمانسیەتی شۆرش  لە دەمكەلی رۆژهەڵاتەوە بە  نەغمەی نەجمەی غولامی، بە ئیقاعی نەرم و نیان و ستایڵێكی مۆدێرن، مۆدێرن بۆ  كاتی خۆی، چریكاندی:

بۆ كوێ بۆ شار ئەچیتەوە؟
جەخار و داخ!

وێنەكە:  وێنەی سنووربەزێنی شیركۆ بێكەس و نەجمەدینی غوڵامییە لە ناو جەرگەی شۆرشەوە

PUKMEDIA