قوباد تاڵەبانی: شەڕ‌ی میدیایی و بەلاڕ‌ێدابردنی كێشەكان ئەزمونێكی شكستخواردوە

نووسینگەی رۆژنامەوانی قوباد تاڵەبانی

قوباد تاڵەبانی جێگری سەرۆك وەزیرانی هەرێمی كوردستان

جێگری سەرۆك وەزیرانی هەرێمی كوردستان رایدەگەیەنێت:" ئێمە لە كوردستان كۆمەڵێك كێشەی بنەڕ‌ەتی و چارەسەرنەكراومان هەیە، كێشەكان چارەسەر ناكرێت بەبێ سەلماندنی نیازپاكی".

قوباد تاڵەبانی جێگری سەرۆك وەزیرانی هەرێمی كوردستان لەپەڕەی تایبەتی خۆی لەتۆڕی كۆمەڵاتی فەیسبوك نوسیویەتی:" بەشدارین لە كۆڕ‌بەندی ساڵانەی ئابوری دێڵفی لە یۆنان، بۆ باس و خوازی دواپێشهاتە سیاسی و ئابورییەكانی كوردستان و عیراق و ناوچەكەو دیدی خۆمان بۆ چۆنییەتی چارەسەركردنی كێشەكان دەخەینەڕ‌وو".

"ئێمە لە كوردستان و عیراقیش كۆمەڵێك كێشەی بنەڕ‌ەتی و چارەسەرنەكراومان هەیە، كێشەكان چارەسەر ناكرێت بەبێ سەلماندنی نیازپاكی و هەنگاونانی كردەیی بۆ چارەسەركردنی كێشەكان و شەڕ‌ی میدیایی و بەلاڕ‌ێدابردنی كێشەكان ئەزمونێكی شكستخواردوەو كێشەكان قوڵتر دەكاتەوە" .

PUKMEDIA