قوباد تاڵەبانی بۆ کۆمەڵەی خوێندکاران: بەگیانێکی نوێوە بەشداری خەبات بکەنەوە

PUKMEDIA

قوباد تاڵەبانی

سەرپەرشتیاری مەکتەبی سکرتارییەتی سەرۆک مام جەلال پەیامی پیرۆزبایی ئاڕاستەی کۆمەڵەی خوێندکاران دەکات و دەڵێت: "بەشانازیەوە مێژووی تێکۆشان و خەباتی کۆمەڵەکەتان پڕە لەنموونەی خۆڕاگریی و پێشەنگ بوون".

دەقی پیرۆزبایی نامەکە...

بەڕێزان کۆمەڵەی خوێندکارانی کوردستان

بەرێزگرتن لەخەباتی چەندین ساڵەی رێکخراوە سەنگینەکەتان، ساڵیادی دامەزراندنی کۆمەڵەى خوێندکارانی کوردستانتان لێ پیرۆز دەکەم. 

كۆمەڵەی خوێندكارانی كوردستان لە ساڵی 1976 و لەبەرەبەیانی شۆڕشی نوێ بەرێنوێنی و ئاگاداری سەرۆک مام جەلال دامەزراندنی راگەیەندرا، بەشانازیەوە مێژووی تێکۆشان و خەباتی کۆمەڵەکەتان پڕە لەنموونەی خۆڕاگریی و پێشەنگ بوون.

بۆ ئایندەش ھیوادارم بەگیانێکی نوێترەوە بەشداریی بکەن لەبزووتنەوەو خەباتی خوێندکاریدا، بەئامانجی پێگەیاندنی نەوەیەكی گۆشكراو بە زانست و زانیاری سەردەم.


قوباد تاڵەبانى 
سەرپەرشتیاری مەکتەبی سکرتارییەتی سەرۆک مام جەلال

PUKMEDIA