پرسەنامەکان بۆ کۆچی دوایی مامۆستا ئەحمەد محەمەد ئیسماعیل

PUKMEDIA

مامۆستا محەمەد ئەحمەد ئیسماعیل

پەیامی هاوخەمی و پرسەنامەکان بۆ کۆچی دوایی نوسەر و وەرگێڕ مامۆستا محەمەد ئەحمەد ئیسماعیل.

 دەقی پرسەنامەکە ...

پرسەنامەی قوباد تاڵەبانی ...

خانەوادە و کەسوکاری بەڕێزی مامۆستا ئەحمەد محەمەد ئیسماعیل

زۆر دڵگران بووم بە بیستنی هەواڵی کۆچی دوایی نووسەر و وەرگێڕی بە توانای کورد مامۆستا ئەحمەد محەمەد ئیسماعیل. مامۆستا ئەحمەد بە نووسین و وەرگێڕانەکانی خزمەتی گەورەی بە زمان و ئەدەبی کوردی کردوە و بەهۆی خزمەتەکانییەوە بۆ هەمیشە یاد و ناوی لە مێژووی ئەدەبی کوردیدا بە نەمری دەمێنێتەوە.
بەم بۆنەیەوە لە ناخی دڵمەوە پرسە و سەرەخۆشیتان ئاراستە دەکەم و خۆم بە هاوبەشی خەمتان دەزانم. داواکارم خودای گەورە روحی مامۆستا ئەحمەد بە بەهەشت شاد بکات و ئارامی و سەبوری بە هەموو لایەک ببەخشێت.
قوباد تاڵەبانی
سەرپەرشتیاری مەکتەبی سکرتارییەتی سەرۆک مام جەلال

دەرباز کۆسرەت رەسول هاوخەمی بۆ کۆچی دوایی چیرۆکنووس و وەرگێڕ ئەحمەد محەمەد ئیسماعیل دەردەبڕێت

بەڕێزان: کەسوکارو خانەوادەی ئەحمەد محەمەد ئیسماعیل

بەداخێکی زۆرەوە هەواڵی کۆچی دوایی نووسەرو رۆشنبیر، چیرۆکنووس و وەرگێڕی بەتوانا ئەحمەد محەمەد ئیسماعیل-م بیست، دڵگران و خەمباری کردم.

مامۆستا ئەحمەد محەمەد ئیسماعیل تەمەنی خۆی تەرخانکرد بۆ خزمەتی ئەدەب و رۆشنبیری کوردی، بەرهەمەکانی لەبواری وەرگێڕان و چیرۆکنووسین بەرهەمی دانسقەن و خزمەتێکی یەکجار گەورەیان بە بوارەکە کردووە و بۆ ئەبەد بە نەمری دەمێننەوە.

بەداخەوە بۆ لەدەستدانی ئەم قەڵەمە جوان و بەبڕشت و کەسایەتییە رۆشنبیرییەی کورد، پرسەو سەرەخۆشی و هاوخەمی خۆم ئاراستەی نووسەران و رۆشنبیران و خانەوادەکەتان دەکەم، هیواخوازم ئەمە دواکۆست و ناخۆشیتان بێت، خوای گەورە سەبووری هەموو لایەک بدات و کۆچکردوو جێگای بەهەشتی بەرین بێت.


دەرباز کۆسرەت رەسول
کارگێڕی مەکتەبی سیاسی
یەکێتیی نیشتمانیی کوردستان

سەرەخۆشی مەکتەبی راگەیاندن

بەداخ و پەژارەیەکی زۆرەوە هەواڵی ماڵئاوایی یەکجارەکی چیرۆکنووس و وەرگێری بە توانا مامۆستا ئەحمەد محەمەد ئیسماعیلمان بیست کە ئەمرۆ لە هەولێری پایتەخت بە نەخۆشی کۆچی دوایی کرد.

مامۆستا لە هەردوو کایەی ئەدەبی وەک چیرۆکنووس و وەک وەرگێرێکی بە سەلیقەی زمانی تورکی و عەرەبی خزمەتی فەرهەنگی میللەتەکەمان کرد و کۆمەڵێک بەرهەمی ناوازەی پێشکەشی کتێبخانەی کوردی کرد.

بەم بۆنەیە بە ناوی مەکتەبی راگەیاندنی یەکێتیی نیشتمانیی کوردستانەوە سەرەخۆشی لە کەسوکار و بنەماڵەی مامۆستا و لە ناوەندی ئەدەبی کوردستانیش  دەکەین بۆ ئەم کۆستە فەرهەنگییە . لە خوای گەورە داواکارین گیانی نووسەر و ئەدیبی بە توانامان ئاسودە بکات و  جێگای بەهەشتی بەرین بێت

مەکتەبی راگەیاندنی 
یەکێتیی نیشتمانیی کوردستان 

پرسەنامەی لێپرسراوی مەڵبەندی 3 ی هەولێر بۆ كۆچی دوایی مامۆستا ئەحمەد محەمەد ئیسماعیل

بەداخ و پەژارەیەكی زۆرەوە، ئەمڕۆ 2023/4/26 نووسەرو وەرگێڕو چیرۆكنوس و  رۆمانووسی گەورەی گەلی كوردستان، مامۆستا ئەحمەد محەمەد ئیسماعیل بەهۆی نەخۆشییەوە كۆچی دوایی كرد .
مامۆستا ئەحمەد روناكبیرێكی گەورە و لەخۆبوردوو بوو هەرگیز لەخزمەتكردنی ئەدەب و زمانی كوردی ماندوو نەدەبوو بەشاكارە جوانەكانی لەچیرۆك و رۆمان و كتێبە تەرجەمەكراوەكانی لە زمانەكانی عەرەبی و توركی و فارسی، بۆ زمانی كوردی خزمەتێكی زۆری بەكتێبخانەی كوردیی و خوێنەرانی كورد كردووە و ئەو مەینەتیانەی بەدرێژایی مێژوو بەسەر گەلەكەماندا هاتووە، لەچیرۆك و رۆمانەكانیدا رەنگی داوەتەوە .
پرسە و سەرەخۆشی خۆمان ئاڕاستەی بنەماڵەی خوالێخۆشبوو و هەڤاڵانی دەكەین و گیانی مامۆستا ئەحمەد محەمەد ئیسماعیل شادبێ بەبەهەشت .

دكتۆر مەجید محمدامین
لێپرسراوی مەڵبەندی 3 ی هەولێر

PUKMEDIA