قوباد تاڵەبانی بەشداری لە كۆڕبەندی ساڵانەی ئابوریی دێڵفی دەكات

نووسینگەی قوباد تاڵەبانی

قوباد تاڵەبانی بەشداری لە كۆڕبەندی ساڵانەی ئابوریی دێڵفی دەكات

كۆڕبەندی ساڵانەی ئابوریی دێڵفی لە یۆنان ئەمڕۆ 26 ی نیسان، بە بەشداریی ژمارەیەك لە سەرۆك و سەرۆك وەزیران و بەرپرسانی باڵا، بیرمەندان و سەرمایەدارانی جیهان، دەستی پێكرد و قوباد تاڵەبانی جێگری سەرۆك وەزیرانی هەرێمی كوردستانیش بۆ دووەمین ساڵە لەسەر یەك بەشدارە لە كۆڕبەندەكەدا.

ئامانجی كۆڕبەندەكە گفتوگۆكردنە لەبارەی گرفت و پێشهاتە سیاسی و ئابورییەكانی جیهان و تیایدا پلان و ستراتیژی چارەسەركردنی قەیرانەكان تاوتوێ دەكرێت. بڕیارە قوباد تاڵەبانی لە كۆڕبەندەكەدا باس لە دواپێشهات و گۆڕانكارییەكانی هەرێمی كوردستان و عێراق و ناوچەكە بكات و بۆچونی خۆشی لەبارەی چارەسەركردنی گرفتەكان بخاتەڕوو.

لە پەڕاوێزی كۆڕبەندەكەشدا، قوباد تاڵەبانی بڕیارە  لەگەڵ ژمارەیەك لە بەرپرسانی باڵای وڵاتان كۆببێتەوە. لەم سەردانەیدا بۆ یۆنان دابان شەدەڵە جێگری سەرۆكی فەرمانگەی پەیوەندییەكانی دەرەوەی هەرێم، یاوەری جێگری سەرۆك وەزیران دەكات.

PUKMEDIA