چه‌ند لایه‌نێكی سیاسی هه‌رێم و عیراق دانانی به‌ڕێوه‌به‌ری ناحیه‌ی باشیك ره‌تده‌كه‌نه‌وه‌

ئاژانسەکان

کۆنگرەی رۆژنامەوانی چه‌ند لایه‌نێكی سیاسی هه‌رێم و عیراق

چه‌ند لایه‌نێكی سیاسی هه‌رێم و عیراق دانانی به‌ڕێوه‌به‌ری ناحیه‌ی باشیك ره‌تده‌كه‌نه‌وه‌ و رایدەگەیەنن:"پێویستە کەسێکی سەربەخۆ و بێ لایەن وەک بەڕێوەبەری ناحیەی باشیک دابنرێت".

دژی دانانی به‌ڕێوه‌به‌ری ناحیه‌ی باشیك، چه‌ند لایه‌نێكی سیاسی هه‌رێم و عیراق کۆنگرەیەکی رۆژنامەوانییان ئەنجامدا و رایانگەیاند:" پێویستە بڕیارێکی لەوجۆرە بەگەرانەوە بۆ لایەنەکان و پرسپێکردنیان بدرێت، نەک بەشێوەیەکی سەربەخۆ و هەرەمەکی".

راشیانگەیاند:" دەمانەوێت هاووڵاتیەکی دانیشتووی ناوچەکە ببێتە بەڕێوەبەری ناحیەی باشیک و بەرەزامەندی سەرجەم لایەنە سیاسییەکان بێت، هاوکات کەسێکی سەربەخۆ و بێ لایەن بێت نەک سەر بە پارتی بێت".

هەر لە کۆنگرەکەدا ئاماژەیان بەوەکرد:"هاووڵاتیانی پارێزگای موسڵ زۆر نیگەرانن بڕیارە خۆپیشانی سەرتاسەری دژی دانانی به‌ڕێوه‌به‌ری ناحیه‌ی باشیك ئەنجام بدەن، هاوکات سوپاسی محەمەد شیاع سودانی سەرۆکی ئەنجومەنی وەزیرانی عیراق دەکەین، کە لەپەیوەندییەکی تەلەفۆنیدا بەڵێنی چارەسەرکردنی کێشەکەی پێداین و پێوتین جارێ خۆڕاگر بن".

PUKMEDIA