riklam

پارێزەر گۆران دیبەگەیی: دەستگیرکردنی عەلی سیاسی کپکردنی دەنگی ئازادە

هەواڵ 12:24 PM - 2023-04-25
 کۆنگرەی رۆژنامەوانی پارێزەر گۆران دیبەگەیی PUKMEDIA

کۆنگرەی رۆژنامەوانی پارێزەر گۆران دیبەگەیی

هەولێر

سەرلەبەیانی ئەمڕۆ ٢٥-٤-٢٠٢٣ عەلی مەحمود چالاكوانی مەدەنی و ئەندامی ئەنجومەنی باڵای نوسەرانی جینۆسایدی كوردستان لە ماڵەكەی خۆیدا لەگەڕەکی راستی رفێندرا.

لەوبارەیەشەوە پارێزەر گۆران دیبەگەیی لە لێدوانێکی رۆژنامەوانیدا بۆ کەناڵەکانی راگەیاندن رایگەیاند:" دژی هەموو ئەو هەوڵانە دەوەستینەوە کە ئازادی مافی مرۆڤ و کاری رۆژنامەوانی و ئازادی مامۆستایانی ئاینی بەرتەسک دەکەنەوە".

"راپۆرتە نێودەوڵەتییەکان بەردەوام تیشکیان خستووەتە سەر پاشەکشەی مافی مرۆڤ لەهەرێمی کوردستان و ئێمەش وەک پارێزەران دەمانەوێت ئازادی لەهەرێمی کوردستان بەرقەرار بێت، کە بەداخەوە لە ئێستادا بەو شێوازە نییە، پێویستە لەبری سەرزەنشتی دەنگی ئازاد ستایش بکرێت." پارێزەر گۆران دیبەگەیی وایوت

لەبارەی دەستگیرکردنی عەلی مەحمود ناسراو بە عەلی سیاسی پارێزەر گۆران دیبەگەیی وتی:"تا ئێستا نازانین چالاکوان عەلی مەحمود لەسەر چی رفێندراوەو لەوبارەیەوە لێکۆڵینەوە دەکەین و دواتر بۆ کەناڵەکانی راگەیاندنی ئاشکرا دەکەین".

PUKMEDIA

ئەمانەش ببینە

زۆرترین خوێنراو

هەواڵەکان دەنێرین بۆ مۆبایلەکانتان

ئەپڵیکەیشنی

app دابەزێنە

Play store app store app
The News In Your Pocket