هاوسەری سەرۆككۆماری ئێران پیرۆزبایی جەژن لە خانمی یەكەمی عیراق دەكات

PUKMEDIA

شاناز ئیبراهیم ئەحمەد خانمی یەكەمی عیراق

هاوسەری سەرۆككۆماری ئێران بەبۆنەی هاتنی جەژنەوە پیرۆزبایی نامەیەكی ئاڕاستەی شاناز ئیبراهیم ئەحمەد، خانمی یەكەمی عیراق كرد و داوادەكات: "هەردوولا پێكەوە لەپێناو بەدیهێنانی ژیانێكی باشتر بۆ ژنان و منداڵان كاربكەن".

جەمیلە عیلمولهودا، هاوسەری سەرۆككۆماری ئێران لە پیرۆزبایی نامەكەیدا كە ئاڕاستەی شاناز ئیبراهیم ئەحمەدی كردووە راگەیاندووە: "خۆتان ئاگادارن رەواجی پیاوسالاری لە جیهاندا وایكردووە لەكۆمەڵگە پەراوێزخراو و گەشەكردووەكانیش، ژنان و منداڵان دوچاری بەشمەینەتییەكی زیاتر ببنەوە و ئازارێكی زیاتر بكێشن."

ئەوەشی خستوەتەڕوو: "رووخانی بونیادی خێزانەكانیش بێلانەیی و نائومێدییەكی گەورەی بۆمناڵان بەدواوە بووە".

لەبەشێكی تری نامەكەیدا هاوسەری سەرۆككۆماری ئێران ئاماژەی بە گرنگی رۆڵی ژنان كردووە لە زیندووكردنەوەی بەها و ئاكارە خێزانی و كۆمەڵایەتییەكان و دەڵێت: "لەئاست سیاسەتی ریاكاریدا تاكە رێگە زیندووكردنەوەی بەها، ئاكار و مەعنەوییەتە، لەم بوارەشدا ژنان سیمبولی سۆز و میهرەبانی و خوازیاری دادپەروەرین. بۆیە دەكرێت كاریگەری خۆیان نیشانبدەن".

PUKMEDIA