سەرۆكی فراكسیۆنی یەكێتی: ئەرکی حکومەتە بێ جیاوازی مووچە دابین بکات

ئەرشیف

زیاد جەبار سەرۆكی فراكسیۆنی یەكێتیی نیشتمانیی كوردستان لە پەرلەمانی كوردستان

سەرۆکی فراکسیۆنی یەکێتی لەپەرلەمانی کوردستان لە بارەی راگرتنی مووچەی خانەنشینی پێشمەرگەكانی یەكێتی لە هەردوو پارێزگای هەولێر و دهۆك ریگەیاند:"راگرتنی مووچەی خانەنشینی پێشمەرگەكانی یەكێتی بە بڕیاری بەڕێوەبەرێكی گشتی بووە لە هەولێر و وەک فراکسیۆن سکاڵای یاسایی لەسەر تۆماردەکەین".

زیاد جەبار سەرۆكی فراكسیۆنی یەكێتیی نیشتمانیی كوردستان لە پەرلەمانی كوردستان بە PUKMEDIA ی  رایگەیاند: "راگرتنی مووچەی خانەنشینی پێشمەرگەكانی یەكێتی بە بڕیاری بەڕێوەبەرێكی گشتی بووە لە هەولێر".

راشیگەیاند:" ئەركی حكومەتە مووچەی فەرمانبەران و خانەنشینان بە بێ جیاوازی دابەش بكات، لەبەر ئەوە سكاڵا لە سەر ئەو بەڕێوەبەرە تۆمار دەكەین".

PUKMEDIA