riklam

لە هەولێر و دهۆک مووچەی خانەنشینانی پێشمەرگەکانی یەکێتی راگیرا

کوردستان 11:22 AM - 2023-04-20
بەردەم بانکی حەمرین لەهەولێر ئاژانسەکان

بەردەم بانکی حەمرین لەهەولێر

یەکێتی هەولێر

مووچەی خانەنشینی پێشمەرگەکانی یەکێتی لە بانکەکانی هەولێر رادەگیرێت و هێزەکانی زێرەڤانیش لەهەولێر هەڕەشە لە خانەنشینان دەکەن.

 

سەرچاوەیەک لە بانکی حەمرین بە PUKMEDIAی راگەیاند:"ئەمشەو لە وەزیری داراییەوە بڕیارمان بۆ هاتووە، مووچەی خانەنشینی پێشمەرگەی یەکێتی نەدەین".

 

بەپێی زانیارییە سەرەتاییەکان  پارتی لەهەولێر  و لەبانکی حەمرین  مووچەی خانەنشینانی  یەکێتی راگرتوەو هێزێکی زۆری زێرەڤانی هێناوەتە دەورووپشتی بانکەکە تا ئێستاش نازانرێت کێشەکە سیاسییە  یاخود  تەکنیکی.

 

هاوکات دوای راگراتنی مووچەی خانەنشینی پێشمەرگەکانی یەکێتی لە بانکی حەمرین لە هەولێر، هێزەکانی زێرەڤانی هەڕەشە لە خانەنشینانی یەکێتی دەکەن و دەڵێن:"ئەگەر بانکەکە چۆڵ نەکەن بەزۆر دەریان دەکەن".

 

لەكاتێكدا لە هەولێر مووچەی خانەنشینی پێشمەرگەكانی یەكێتی راگیراوە، بەڵام بەپێی ئەم نوسراوەی بانكی ناوەندی هەرێم / سلێمانی پارەی پێویست بۆ مووچەخۆرانی پارتی (ئەیلول و گوڵان) لە رانیە نێردراوە و هیچ كێشەیەك نییە.

لەلایەکی تریشەوە سەچاوەیەک لە بانکەکانی دهۆکەوە بە PUKMEDIAی راگەیاند:"لە بانکەکانی دهۆکیش خانەنشینانی یەکێتی مووچەکانیان راگیراوەو مووچەیان پێنادرێت".

PUKMEDIA

ئەمانەش ببینە

زۆرترین خوێنراو

هەواڵەکان دەنێرین بۆ مۆبایلەکانتان

ئەپڵیکەیشنی

app دابەزێنە

Play store app store app
The News In Your Pocket