وەڵامێك بۆ توتییەكە

PUKMEDIA

هێڤیدار ئەحمەد

ئەمین هەریری

هێڤیدار ئەحمەدی پەرلەمانتاری پارتی، هەندێك قسەیان پێكردووە گوایە پارەو داهات لە دەڤەری سلێمانی و هەڵەبجە بەهەدەر دراوە، بەپێویستمان زانی وەڵامێكی بدەینەوە بۆ ئەوەی وەڵامەكە بگەیەنێت بە ئاغا لۆكاڵییەكانی.

یەكەم: هەر پارەیەك كە دێت لە هەولێرەوە وەك بەشێك لەمووچە، ئەوە  خێری سەرۆكی حكومەت و كابینەكەی نییە كە شتی وەهای لێ ناوەشێتەوە، بەڵكو ئەوە داهاتی نەوتەو بە ویستی خۆیان  نییە كە ئەینێرێت.

دووەم: هەموو مانگێك لەداهاتی ناوخۆی سلێمانی 90 ملیار دینار بۆ تەواوكاری دابەشكردنی مووچە تەرخان كراوە، 15 ملیاری دەڕواتەوە هەولێر وەك بودجەی موچەی سیادی.

سێیەم: هێڤیدار، ئەزانێ داهاتی ئیبراهیم خەلیل مانگی پێشوو 139 ملیار بووە؟ ئایا ئەزانی ئاغاكەت تەنها 64 ملیاری گەڕاندووەتەوە بۆ خەزێنەی هەولێر! ئەی ئەویتری  چی لێهات؟ بێگومان بەڵێ دەزانیت بەڵام ناوێریت و نوقەت لێوەنایەت! دەبا پێت بڵێین چی لەپارەی دزراوی ئەم میللەتەو خەڵكی سلێمانی دەكرێت (ئەسپی عەرەبی رەسەنی پێدەكڕێت، فەوجی نایاسایی پێدروست دەكرێت، میلیشیای سوشیال میدیای بێخاوەنی پێدروست دەكرێت، درۆنی زەبەلاحی بۆ دوژمن پێدەكڕێت! چاكەتی گران بەها كە نرخەكەی 2490 دۆلاریە پێدەكڕێت، ویژدان و بیروباوەڕی خەڵكی پێدەكڕدرێت، كەسانی لەیاسا هەڵهاتووی پێ پارەدار دەكرێت،  ئەوە هەر باسی  ئۆتۆمبێلە گرانبەهاكانیان و سەعاتەكەی دەستی، یان خانووەكەی گەڕەكی ئەمریكا ناكەین؟ و نرخی هەموو ئەمانە بەجێ ئەهێڵین بۆ خۆتان .

چوارەم: ئەزانی سەرۆكی حكومەت وتوویەتی: ئەگەر لەبەغداوە تەواوی پارەی مووچە نەیەت، كەس باسی پاشەكەوتكردنی مووچە نەكات، وەكو پێشتر لێبڕین دەكەین!

پێنجەم: ئەزانی سەرۆكی حكومەت بەپلان دەیەوێت داهاتی دەروازە سنوورییەكانی سلێمانی وشك بكات.

شەشەم: هەموو ژمارەكانی هێڤیدار حوكمداری برا گەورەیان تێدایە و هیچیان راست نین، باقی وەسەلام.

PUKMEDIA