سەرۆک بافڵ: لەپێناو بەرژەوەندی حزبی یاری بە چارەنوسی ئێزدییەکان نەکرێت

PUKMEDIA

سەرۆک بافڵ

سەرۆک بافڵ جەلال تاڵەبانی پیرۆزبایی جەژنی چوار شەممەی سور لە ئێزدییەکان دەکات و لەپەیامێکیدا دەلێت: "هەموولایەک مامەڵەیەکی بەرپرسانە لەگەڵ ئەو پێکهاتە رەسەنەی کوردستاندا بکەن و لەپێناو بەرژەوەندی ‌‌‌حزبی و سیاسیدا یاری بە ژیان و چارەنووسیانەوە نەکرێت".

دەقی پەیامەکە...

جەژنی سەری ساڵی ئێزدی (چارشەمبا سۆر)، لە خوشک و برایانی ئێزدی پیرۆزبێت و هیوادارم ئەم جەژنە لە دڵخۆشی و کامەرانیدا بەڕێبکەن.

ئێزدییەکان لە رابردوودا رووبەڕووی توندوتیژی و نەهامەتی زۆر بوونەتەوە و قوربانیی زۆریان داوە، بەڵام بەداخەوە تاوەکو ئێستا هەوڵەکان بۆ قەرەبووکردنەوە و ئاوەدانکردنەوەی زێدی رەسەنی خۆیان، تەنیا لە چوارچێوەی دروشمدا ماوەتەوە و هەنگاوی جدی لەوبارەیەوە نەنراوە.
یەکێتیی نیشتمانیی کوردستان پاڵپشتی بەردەوامی ئێزدییەکان بووە، پشتیوانیی هەموو هەنگاوێکیش دەکات بۆ بونیادنانی داهاتوویەکی گەشتر و پاراستنی ژیانی ئێزدیان تاوەکو جارێکیتر رووبەڕووی هیچ مەترسییەک نەبنەوە. هەروەها پێویستە هەموولایەک مامەڵەیەکی بەرپرسانە لەگەڵ ئەو پێکهاتە رەسەنەی کوردستاندا بکەن و لەپێناو بەرژەوەندی ‌‌‌حزبی و سیاسیدا یاری بە ژیان و چارەنووسیانەوە نەکرێت.

بافڵ جەلال تاڵەبانی 
سەرۆکی یەکێتیی نیشتمانیی کوردستان

PUKMEDIA