قوباد تاڵه‌بانی: ئێزدییه‌كان پێكهاته‌یه‌كی ره‌سه‌نی كوردستانن

PUKMEDIA

قوباد تاڵەبانی

قوباد تاڵه‌بانی جێگری سه‌رۆك وه‌زیرانی هه‌رێمی كوردستان به‌بۆنه‌ی جه‌ژنی چوارشه‌مه‌ی سوور پیرۆزبایی له‌ئێزدییه‌كان ده‌كات و ئاماژه‌ بۆ ئه‌وه‌شده‌كات:"ئێزدییه‌كان پێكهاته‌یه‌كی ره‌سه‌نی كوردستانن، سه‌رباری ئه‌وه‌ی له‌ مێژوودا گه‌لێك ناخۆشی و كاره‌ساتی گه‌وره‌یان به‌سه‌رداهاتووه‌، به‌ڵام پێداگرییان  له‌سه‌ر شوناسی خۆیان كردوه‌و ئایینه‌كه‌یان و كوردبوونی خۆیان پاراستووه‌." 

ده‌قی په‌یامه‌كه‌...

به‌بۆنه‌ی جه‌ژنی چوارشه‌مه‌ی سور و سه‌ری ساڵی ئێزدی گه‌رمترین پیرۆزبایی له‌ كوردانی ئێزدی ده‌كه‌م و هیوای جه‌ژنێكی خۆش و ساڵێكی پڕ‌ له‌ ئاشتی و ئارامیان بۆ ده‌خوازم.

ئێزدییه‌كان پێكهاته‌یه‌كی ره‌سه‌نی كوردستانن، سه‌رباری ئه‌وه‌ی له‌ مێژوودا گه‌لێك ناخۆشی و كاره‌ساتی گه‌وره‌یان به‌سه‌رداهاتووه‌، به‌ڵام پێداگریان له‌سه‌ر شوناسی خۆیان كردوه‌ و ئایینه‌كه‌یان و كوردبوونی خۆیان پاراستووه‌. 

كوردستان شانازی به‌ هه‌موو پێكهاته‌كانی خۆیه‌وه‌ ده‌كات و پێویسته‌ به‌ هه‌موو لایه‌كیشمانه‌وه‌ هه‌وڵ بده‌ین كلتوری پێكه‌وه‌ژیان كه‌ ره‌گێكی قوڵی له‌ مێژووماندا هه‌یه‌ به‌هێزتر بكه‌ین.

PUKMEDIA