لە هەولێر هێرش دەكرێتەسەر پەیامنێرێك

PUKMEDIA

ئەحمەد مستەفا پەیامنێری كەناڵی (كەی ئێن ئێن)

لەناو بازاڕی هەولێر پەیامنێرێكی كەناڵی (كەی ئێن ئێن) لەكاتی ئامادەكردنی راپۆرت لەبارەی جلوبەرگی كوردی لەلایەن دوو كەسەوە هێرشی كرایەسەر و بريندار كرا.

لەوبارەیەوە ئەحمەد مستەفا پەیامنێری كەناڵی (كەی ئێن ئێن) بە سایتی رەسمی یەكێتیی نیشتمانیی كوردستان PUKMEDIA ی راگەیاند: "لەكاتی ئامادەكردنی راپۆرتێكدابووین لەسەر جلوبەرگی كوردی لەناكاو لەلایەن كەسێكەوە هێرشمكرایەسەر و دواتر كەسێكی دیكەش پەلاماری دام و برينداريان كردم و هەڕەشەی كوشتنیان لێكردم".

"ئەو دوو كەسەی هێرشیان كردەسەرم بەهیچ شێوەیەك نایانناسم و هیچ پەیوەندی و ناكۆكییەكم لەگەڵیاندا نەبووە و لەكاتی پەلامارەكەیاندا پێیان وتم:(ناتوانیت لە هەولێر كار بۆ كەی ئێن ئێن بكەیت)"
 
پەیامنێرەكەی ئێن ئێن بۆ PUKMEDIA ئەوەشی خستەڕوو: "لە ئیستادا تەندروستیم باشە و دوای رووداوەكە سكاڵای یاسایم لەسەر هێرشبەرەكان تۆمار كردووە".


PUKMEDIA