پەرلەمانتارێکی یەکێتی: 400 پلەی وەزیفی لە بودجەدا جێگیر دەکرێت

PUKMEDIA

دیلان غەفوور

نوێنەرێکی یەکێتی لە ئەنجومەنی نوێنەران دەڵێت: "نزیکەی 400 پلەی وەزیفی لیوای 20ی هاوبەش لەبودجەدا جێگیردەکرێت و بودجەی ساڵانەش دەبێتە دوو هێندە".

دیلان غەفور ئەندامی ئەنجومەنی نوێنەرانی عیراق لە فراکسیۆنی یەکێتی بە سایتی رەسمی یەکێتیی نیشتمانیی کوردستان PUKMEDIA ی راگەیاند: "بوودجەی ماددەی ١٤٠ لە پڕۆژە یاسای بوودجەی ئەمساڵدا ١٠٠ ملیار دینارە، لەکاتێکدا لە بوودجەی پێشتر ٥٠ ملیار دینار بوو، بۆیە وەک نوێنەرانی یەکێتی کار لەسەر زیادکردنی بوودجە دەکەین و بە وردی و چاودێریی جێبەجێکردنی دەکەین لەپێناو چارەسەرکردنی کێشەکان لە پارێزگای کەرکوک". 

"ھاوکات دڵنیایی دەدەینە لیوای ٢٠ی ھاوبەش کە ٣٧٧ پلەی وەزیفییان بۆ جێکراوەتەوە لە پڕۆژە بوودجەی ئەمساڵدا"، دیلان غەفور وایوت.

PUKMEDIA